Qazaqstandyq jastardyń ókili retinde bizderdiń jan-jaqty bilim alyp, óz múmkindigimizdi júzege asyrýǵa qoldaý kórsetkeni úshin elimizdiń basshylyǵyna rızashylyǵymyzdy bildiremiz. Búginde jastardyń aldaǵy ýaqytta qoǵamdy jańǵyrtý, sondaı-aq, memlekettik qurylymdardy jetildirýden bastap, aqparattyq tehnologııalar salasynda jańa baǵyttardy damytýǵa deıingi jumystarǵa óz úlesterin qosýǵa jol ashylyp otyr. Bul máselelerde ózge memleketterdiń tabysty tájirıbelerin nazarda ustaǵan eshqashan artyqtyq etpeıdi.
Búginde ózim bilim alyp júrgen Fınlıandııany alatyn bolsaq, ondaǵy Sýomıde sıfrly tehnologııa óte jaqsy damyǵan. Skandınavııalyq memleket osy sıfrly tehnologııany el ekonomıkasyn damytýdaǵy basymdyqtardyń biri retinde qarastyrady. О́ıtkeni, olarda sıfrly bıznes qazirdiń ózinde jańa sala bolyp qalyptasýda. Mysaly, sońǵy jyldary Sýomıde oıyn ındýstrııasy rynogy belsendi damyp keledi. Rynok kóshbasshysy retinde tanylǵan «Sýpersell» kompanııasy jastardyń «kýmırine» aınalyp úlgerdi. Bul kompanııa nebári alty jyldyń ishinde shaǵyn ǵana fırmadan álemdik oıyn ındýstrııasy rynogyndaǵy iri oıynshynyń birine aınaldy.
Sıfrly tehnologııa ózin ózi tez aqtaıtyn jáne ekonomıkany qarqyndy damytýdyń senimdi quraly bolyp tabylady. Sondyqtan da Elbasy Joldaýynda sıfrly tehnologııany damytýǵa erekshe mán berilgen. Mine, bul Prezıdentimizdiń el bolashaǵyna baılanysty máselelerdi kúni buryn zerdelep, naqty sheshim qabyldaıtyn kóregendi saıasatker ekenin dáleldep tur.
Qazaqstan óndiris salalaryna jańa tehnologııalardy batyl engizý arqyly álemdik deńgeıge kóteriletinine bizder – jastar senimdimiz, oǵan óz úlesimizdi qosýǵa árqashan daıynbyz.
Anar BAZARHANOVA,
Fınlıandııadaǵy Aalto ýnıversıtetiniń doktoranty
