Eýropalyqtar nazary – Astanada

EKSPO-2017 kórmesiniń aýmaǵyndaǵy tóbesine kún batareıalary ornatylǵan shar ispettes ǵımaratpen qatar, qonaq úı, saýda ortalyǵy, bank, restoran jáne kópshilikke qyzmet kórsetetin ózge de oryndar beınelengen model Holiday World kórmesine qatysýshylar men týrısterdiń nazaryn ózine aýdara bildi.

«EKSPO-2017 kórmesiniń modelin kórgen kezde men ony aı stansasynyń jobasy neme­se bolashaqtyń qalasynyń es­kızi dep oılap qaldym. So­syn, bul aýqymdy joba Dýbaı nemese Tokıoda jasalǵan dep boljadym. Alaıda, keıin mu­nyń Qazaqstanda ótetin EKSPO-2017 kórmesine arnal­ǵan joba ekenin bilip, tańǵal­dym», deıdi Holiday World kórmesine qatysýshy sheteldik azamat.

Holiday World sharasy aıasynda EKSPO-2017 kórme­siniń jobasy jónindegi jy­ly lebiz Chehııanyń О́nerkásip jáne saý­da mı­nıstri Iаn Mladektiń de aýzynan es­til­­di. Iа.Mladek ótken jyldyń qarasha aıyn­­­da Qa­zaq­stanǵa resmı sapar­men kelip, EKSPO-2017 halyq­aralyq kórmesiniń qury­lys jumys­tarymen arnaıy tanys­qan bolatyn.

Atalǵan jıynda Qazaq­stan­nyń Chehııa­daǵy Tótenshe jáne ókiletti elshisi Ser­jan Ábdikárimov kópshilikti EKSPO-2017 kórmesiniń da­ıyndyq jumystary, eli­miz­diń jańa vızasyz rejim saıasaty, týrızm baǵy­tynda atqarylyp shatqan sharalar, sondaı-aq, Qazaqstannyń qonaqjaılylyǵy turǵysynda aqparattandyrdy.

Shara barysynda Qazaqstan ókilderine chehııalyqtar men sheteldikter Astanaǵa qandaı áýe jolymen barýǵa bolatyny, Qazaqstanǵa barý úshin vıza alý isi qalaı sheshiletini tur­ǵy­synda suraqtar qoıýmen bol­dy. Ásirese, Chehııa men Eko­­nomıkalyq yntymaqtastyq jáne damý uıymyna múshe elderdiń azamattary bıylǵy qańtardan bastap ózderi úshin Qazaqstanda 30 kúnge vızasyz rejim engizilgenine razy boldy.

Aıta keteıik, qazirgi tań­da Chehııa – jasyl tehno­lo­gııa salasynda jınaǵan táji­­rı­­besi mol elder qata­ryn­­da. Bul el búginde EKSPO-2017 kórmesindegi óz pa­vılonyn jabdyqtaý ús­­­tin­­de. Holiday World kór­me­­­sinde atap ótilgendeı, EKSPO-2017 kórmesinde chehııa­­lyq ekspozısııa óziniń bire­geıligimen erekshelenbek. Astanada ótetin kórmeniń ashylý saltanatyna Chehııa Prezıdenti Mılosh Zeman keledi dep kútilýde.

Al Holiday World ha­lyq­aralyq kórmesi – álem­niń jetekshi týrıstik kompanııa­larynyń qatysýymen jyl saıyn Pragada ótetin aýqym­dy shara. Ol Chehııanyń Aımaq­tyq damý mınıstrligi men osy eldiń týrızmdi damytý jónin­degi CzechTourizm agent­tiginiń qoldaýymen uıym­das­tyrylady. Bıyl Holiday World halyqaralyq kórmesine 50 eldiń delegasııasy qatysty.