Konferensııaǵa belgili alashtanýshy ǵalymdar, oblystyń zııaly qaýym ókilderi, memlekettik qurylymdar jáne úkimettik emes uıym músheleri men joǵary jáne arnaýly oqý oryndarynan kelgen oqytýshy-professorlar, stýdent-jastar qatysty.
Alash murasyna arnalǵan jıyndy Qyzylorda oblysynyń ákimi Qyrymbek Kósherbaevtyń alǵy sózimen ashty. Ǵylymı-teorııalyq konferensııa barysynda Sh.Ýálıhanov atyndaǵy Tarıh jáne etnologııa ınstıtýtynyń dırektory, QR UǴA korrespondent-múshesi, tarıh ǵylymdarynyń doktory, professor Hangeldi Ábjanov, Halyqaralyq Túrki akademııasy uıymynyń prezıdenti, «Egemen Qazaqstan» respýblıkalyq gazeti» AQ Basqarma tóraǵasy, tarıh ǵylymdarynyń doktory Darhan Qydyráli, QR Parlamenti Senatynyń depýtaty, saıasattaný ǵylymdarynyń doktory, professor Murat Bahtııaruly, Gazı ýnıversıtetiniń qaýymdastyrylǵan professory (Túrkııa), tarıh ǵylymdarynyń doktory Gúljanat Qurmanǵalıeva, О́zbekstan Ǵylym akademııasy Tarıh ınstıtýtynyń bólim meńgerýshisi, tarıh ǵylymdarynyń doktory, professor Kahramon Radjabov, Memleket tarıhy ınstıtýtynyń bas ǵylymı qyzmetkeri, tarıh ǵylymdarynyń kandıdaty Kúlpash Ilııasov baıandama jasady.
Konferensııa aıasynda alashordashylar men alashtanýshy ǵalymdardyń arnaıy kitap kórmesi qoıyldy.
Erjan BAITILES,
«Egemen Qazaqstan».
