«Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zań jobasy sport túrlerin qarjylandyrý maqsatynda ázirlendi. Bul týraly Parlament Májilisiniń depýtaty Natalıa Jumadildaeva tómengi palatanyń jalpy otyrysynda málimdedi, dep habarlaıdy strategy2050.kz.
QR dene shynyqtyrý jáne sport týraly Zań jobasynyń jobasy bıylǵy jylǵy 1 naýryzda QR Májilisiniń jalpy otyrysynda maquldandy.
«Zań jobasynyń negizgi maqsaty dene shynyqtyrý men sportty qarjylandyrýdyń qoldanystaǵy júıesin jetildirý, qarjylandyrý júıesiniń aıqyndylyǵy men naqtylyǵyn arttyrý bolyp tabylady.Sport túrleri boıynsha qarjylandyrýdy bólýdiń qoldanystaǵy tártibi tıimdilik pen obektıvtiliktiń tómen deńgeıimen sıpattalady. Qazaqstan Respýblıkasynyń óńirlerinde sportty qarjylandyrý negizinen sporttyń oıyn túrlerine baǵyttalǵan», - dedi depýtat.
Zań jobasy qabyldanǵan jaǵdaıda respýblıkalyq jáne oblystyq deńgeılerde sport túrlerin naqty jáne derbes qarjylandyrýdy bólýge kepildik beretin sportty qarjylandyrýdyń jeke modeli ázirlenetin bolady.
«Bıýdjettik qarajatty bólý kezinde sportty saralaý basymdylyqqa alynady. Negizgi talap – halyqaralyq jarystardaǵy sporttyq jetistikter, ulttyq-mádenı dástúrli sport túri, kadrlyq áleýettiń sany men materıaldyq-tehnıkalyq baza», - dedi ol.
Zań jobasymen jumys kezinde depýtattar birqatar usynystar engizdi. Májilismender jobany ekinshi oqylymda maquldady.
