Ońtústik Qazaqstan oblystyq máslıhatynyń kezekti on birinshi sessııasynda QR Ishki ister mınıstri Q.Qasymovtyń usynysymen, oblystyq máslıhat depýtattarynyń kelisimimen jáne oblys ákiminiń ókimimen OQO IID jergilikti polısııa qyzmetiniń bastyǵy laýazymyna Ábdiǵanı Seıdýalıev taǵaıyndaldy.
Á. Seıdýalıev 1973 jyly týylǵan, bilimi joǵary. Qazaq memlekettik zań akademııasyn támamdaǵan. Ishki ister organdarynda 1995 jyldan bastap qyzmet etip keledi. 2017 jyldyń aqpan aıynan bastap búgingi kúge deıin OQO IID Ákimshilik polısııa basqarmasynyń bastyǵy laýazymynda qyzmet etken.
Aıta keteıik, Jergilikti polısııa qyzmeti Memleket basshysy N.Nazarbaevtyń Ult jospary - «100 naqty qadam» negizinde qurylǵan.
