Atalǵan shara kezinde qytaıdaǵy qandastarymyzdyń «Ýıchat» áleýmettik jelisi súıinshili habarǵa toldy. 42 shaqyrymdyq uzaq marafonda Qasymhan atty qazaqtyń jelaıaǵy qola júldege qol jetkizipti!
«Kazakh» ýıchat tekshesi jazǵan málimetke súıensek, bul –uzaqqa júgirý sport túri boıynsha (qytaı, uıǵyr, qazaǵy... bar) búkil Shyńjań sportshylary qol jetkezgen eń joǵary nátıje bolyp tirkelgen eken. Sóıtip, qytaıdaǵy qazaq jigiti Shyńjań marafonshylarynyń kóshin bastady.
Shyńjańdaǵy Shonjy aýdanynyń týmasy, 28 jastaǵy Qasymhan 42 shaqyrymdyq qashyqtyqty 2 saǵat 20 mınýd, 22 sekýndta júgirip ótken.
«Qasymhan buǵan deıin, 2015 jyly Qytaıdyń Chuń Chıiń qalasynda ótken marafonda úzdik nátıjege qol jetkizse, 2016 jyly Hııýanda ótken halyqaralyq marafonda kenııalyq júırikti basyp ozyp, birinshi bolyp máre syzyǵyn ózi kesken eken», dep jazdy «Kazakh» ýıchat tekshesi.
Qandasymyz Qasymhannyń bul jetistigine qýana qutty bolsyn aıta otyryp, onyń budan da bıik belesterdi baǵyndyra berýin tileımiz!
Ularbek NURǴALYMULY
«Egemen Qazaqstan»
