Kommýnıkasııadan kemdik bolmaıdy

Aqtóbe qalasynyń mańynan jer alyp, jeke turǵyn úı salýshy­lar qatary jyl saıyn kóbeıe túsýde. Jańadan boı kótergen sha­ǵyn aýdandar turǵyndaryn qınaı­tyn másele –  ınjenerlik-kommý­nı­kasııalyq jelilerdiń ýaqytyly júrgizilmeýi bolyp otyr. Qala ákimdigi osy bir ózekti máseleni sheshýdi qolǵa aldy.  Bıyl qala mańyndaǵy eldi mekenderdi ınjenerlik kommýnıkasııalarmen qam­tý­ǵa bólinetin qarjy kóbeımek.  Eger 2009 jyly  9 eldi mekende, 2010 jyly  13 aýylda ınjenerlik jeliler  júrgizilgen bolsa, 2011 jyly 20 eldi mekenge ınjenerlik-kommýnıkasııalyq  jeliler jetkiziledi dep kútilýde. Sońǵy on jyl ishinde jeke turǵyn úı qurylysyna 10 myńnan astam jer ýchaskesi bólingen. Bul aýyldardyń damýyna, jańadan 27 eldi mekenniń paıda bolýyna jáne oblys ortalyǵy mańyndaǵy tur­ǵyn­dar sanynyń ósýine yqpal etti. Bir áttegen-aıy, kezinde turǵyn­darǵa jer ýchaskeleri bólingenimen ınfraqurylym qurylysyna qar­jy qaralmaǵan. Qazirgi tańda olar­dy ınjenerlik-kommýnıkasııalyq jelilermen  qamtamasyz etý qa­jet­tiligi týyndaýda. Bul másele qala ákimi Arhımed Muhambetov­tyń qala mańyndaǵy aýyldar tur­ǵyndarymen kezdesýinde keńinen áńgime boldy. Qala basshysynyń aıtýynsha,  aldaǵy ýaqytta bıýdjettiń negizgi qarjysy selolyq eldi mekender men jeke qurylys massıvterin damytýǵa, ınjenerlik jeliler qu­rylysyna jumsalatyn bolady. Osy maqsatta qala ákimdiginde 2011-2017 jyldarǵa arnalǵan ın­je­nerlik-kommýnıkasııalyq ın­fra­qurylymdardy qaıta jaraq­tan­dyrý, salý jáne az qabatty  turǵyn úı  massıvterin  damytý­dyń jospary jasalǵan. 2005-2010 jyldarǵa arnalǵan turǵyn úı qurylysyn damytýdyń óńirlik baǵdarlamasyna sáıkes, bıýdjettik qarjylar birinshi kezekte, ıpote­kalyq jáne kommýnaldyq úıler men jeke turǵyn úı qurylysynyń jańa qurylys aýdandaryn ınje­nerlik-kommýnıkasııalyq jelilerimen jabdyqtaýǵa jumsaldy. Qa­la ákimi 2011 jyly 31 nysannyń qurylysyn júrgizý josparlanyp otyrǵanyn jetkizdi. Oǵan bıýd­jetten 5 mlrd.teńge bólinipti. Bul qarjy osy nysandardyń ınjenerlik-kom­mýnıkasııalyq ınfraqurylym­daryn damytýǵa jumsalmaq. Bıyl K.Nokın  aýylynda, «Aq­jar-1», «Rossovhoz», Zarech­nyı-4, 41-razezd aýdanynda, Lesnoe aýylynda elektr jary­ǵy­men jabdyqtaý jelilerin júr­gizý josparlanyp otyr. Al «Iаsnyı-2», «Aqjar-2» (2-shi kezek), Aqjar ( eski bóligi), «Jastar-2» shaǵyn aýdanynda, «Zarech­nyı-4» aýylynda sýmen jabdyq­taý jelileriniń qurylysyn salý kózdelýde. Qazirgi ýaqytta Sazdy selosyndaǵy sý qubyry kesheni­niń qurylysyna baıqaý ótkizilip, «ZapKazStroıInvest» JShS mer­­diger bolyp belgilendi. Bul nysan 2012 jyly iske qosy­latyn bolady. Ústimizdegi jyly Qyzyljar (eski bóligi) jáne Prıgorodnyı aýylyn sýmen jab­dyqtaý jelileriniń quryly­syna jobalyq-smetalyq qujat­ta­r daıyndalady. Satybaldy SÁÝIRBAI, Aqtóbe oblysy.