Alǵys aıtamyz

Jaryqqa shyq­qa­nyna bir jyl ǵana  bolǵan «Ha­lyq sózi» gazeti jan-jaqty qol­daýǵa laıyqty basylym ekenin baı­qatty. Kópshiliktiń júregindegi sóz el múddesi úshin ekpinmen ǵana aıtylyp qana qoımaı, osy mu­ratty ózine júk etip arqalaǵan jas basylym kúni keshe Al­maty qa­lasyndaǵy «Qazaqkon­sert» za­lyn­da ótken «Halyq ánderi» atty óner merekesin ótkizdi. Bul ánshiler­diń kúnde ótkizetin dýmandy kesh­teriniń biri emes, pármeni kúshti, naǵyz qaıy­rymdylyq sharasy bol­dy. Bul kúni múmkindigi shekteýli jandar men kóp balaly analar tegin konsert tamashalady. Konserttiń arasynda oınatyl­ǵan lotoreıa oıyny da jınalǵan­dardy bir serpiltip tastady. Ártúrli syı-sııapat, utysqa ıe bolǵandardyń qýanyshynda shek bolmady. Bul utys pen syılyqtar bizge materıaldyq kómek qana emes, moraldyq qoldaý bolǵanyn da aıtyp jetkize almaspyz. Bizdi qatty tebirentken de, qýantqan da uıym­dastyrýshylardyń «Halyq sózi» gazetine bir jylǵa tegin jaz­dyrýy boldy. Mundaı qaıyrym­dy­lyq konserti qazaq gazetteri ara­synda buryn-sońdy bol­maǵan edi. Halyq sózin sóıleýdi ózderine amanat etip al­ǵan jýrnalıs­ter­diń bul ıgilikti isi barsha basy­lymdarǵa úlgi bolsa deımiz. Iá, «Ha­lyq sózi» gazetine alǵysymyz sheksiz. Bul ǵıbratty is jalǵasyn taýyp jatsa, tipti tamasha bolar edi. Áleý­mettik jaǵynan az qam­tyl­ǵan jáne múm­kindigi shekteýli azamat­tardyń qoǵam­nyń tolyqqan­dy bir múshesi ekenin eske salyp, «Halyq sózi» gazeti úlkenderdiń aq batasyn, kóp­shiliktiń alǵysyn ar­qalady. Rahmet sizderge «Halyq sóziniń» jana­shyrlary! A.AMANBAEV, Almaty qalalyq múgedekter qoǵamynyń tóraǵasy; L.QALTAEVA, «Shyraq» múgedek áıelder assosıasııasy qoǵamdyq birles­tiginiń tóraıymy; A.AHTANOVA, «ARDI» múgedek balalar ata-analary assosıasııasynyń tóraıymy; S.SMAǴULOVA, «Almaty qalasy «Alataý» múgedek qoǵamy» qoǵamdyq birlestiginiń tóraıymy.