Orman kútimine oralymdylyq qajet

«Jasyl jelek – jan azyǵy» deıdi halqymyz. Biraq, el arasyn­daǵy tuty­ný­shylyq pıǵyl osynaý baǵa jetpes baılyǵymyzdyń qadi­rin tú­sin­beı otyrǵanymyzdy kór­se­tedi. Na­­­sıhattyq jumystar úz­dik­siz júr­gizilgenimen osynaý ma­ńyzdy másele­ge mán berýshilik áli de jetkiliksiz der edik. Olaı aı­týǵa jasyl jele­gimizdiń jalyn­ǵa sharpylýy toqta­maı turǵany, onyń aldyn alýǵa jurtshylyqtyń jap­paı bet bura qoımaǵandyǵy májbúrleıdi. Má­s­e­len, 2010 jyly oblystyń orman qory aý­ma­ǵynda 165 órt oqıǵasy tirkeldi. Tabıǵatqa úlken zııan kelýi kúnniń aptap ystyǵy­nan ǵana emes, adamdardyń nemkettiliginen oryn ala­tyndyǵy belgili. О́tken jyly Reseıdegi alapat apat saldarynan eldi mekenderdiń kúırep, adam shyǵynyna jol berilgeni jerlesterimizdi de qatty oıǵa qaldyrýy kerek. О́ıtkeni, orman bolashaqtyń ıgiligi. «Atadan ne tam qalsyn, ne tal qalsyn» deıtinimiz sondyqtan. Bizdiń ınspeksııa bul baǵytta birshama jumys­tar atqaryp jatqany barshaǵa málim. О́tken jyly ózimizdiń qolda bar qýattarmen jáne «Orman qorǵaý jáne orman sharýashylyǵyna qyzmet kórsetý qazaq avıabazasy» RMQK-niń úsh tikushaq ekıpajynyń kúshimen barlyq paıda bolǵan órt oshaqtaryn der kezinde anyqtap, ony sóndirýge qajetti sharalar qoldanyldy. Bıylǵy maýsymǵa daıyndyǵymyz da oıdaǵydaı deýimiz kerek. AShM Orman jáne ańshylyq sharýashylyǵy ko­mı­tetiniń «2010 jyldyń órt qaýipi bar maý­symynyń qo­ry­tyndylary jáne 2011 jyldyń órt qaýipi bar maý­sy­myna daıyndyq jónindegi mindetter týraly» nus­qaýyn oryndaýǵa baǵyttalǵan keshendi sharalar muqııat tııanaqtaldy. Aǵymdaǵy jyldyń naýryz aıynda ınspeksııa tarapynan oblystaǵy barlyq orman sharýa­shylyǵy memlekettik mekemelerindegi, «Kók­shetaý» jáne «Býrabaı» memlekettik ulttyq tabı­ǵat parkterindegi, «Sandyqtaý» OО́OSh, «Jasyl aımaq» RMK-de­gi daıyndyq jumystary tekserildi. Anyqtalǵan kem­shilikter boıynsha kásiporyn basshylaryna 26 eskertpe jasalyp, onyń oryndalýy qatań baqylaýǵa alyndy. Onyń ústine, órtke qarsy kúrestiń jyldyq jedel josparlary pysyqtalyp, Tótensha jaǵdaılar mınıstrliginiń qurylymdyq bólimshelerimen ózara is-qımyl sharalary kelisildi, qaraýyldaý kesteleri men turǵyndardy aldyn-ala habardar etý tártibi aýdan ákimderiniń buıryqtary­men bekitildi. Qysqy aǵash kesýden jáne sanıtarlyq sharalar kezindegi aǵash qal­dyq­tary arnaıy baqy­laýmen tasymaldanyp, zalalsyz­dan­dyryldy jáne nusqaýlyq talaptaryna saı órteldi. Orman kúzeti isine qatysty barlyq mamandar men ju­mysshylar oqýǵa tartylyp, arnaıy synaq qabyl­dan­dy. Aqmola oblysy ákimdiginiń qoldaýy­men «Buq­pa» orman sharýashylyǵynda aýmaqtyq koman­dalyq-shtabtyq oqý-jattyǵýy ótkizilýi ortaq istiń oraıyn kel­tire túsetini anyq. Ormanshy­larmen qatar, aýyl­sharýa­shylyq qurylymdary basshylarynyń qaty­sýymen tájirıbelik semınarlar da kesteli merziminde ótkizilip keledi. Ústi­mizdegi jyldyń 20 sáýiri­nen, ıaǵnı órt qaýipi bar maýsym aıasynda kúsheıtilgen kezekshilik uıym­dastyryldy. Mamandarymyzdyń belsene qaty­sýy­men medıa-jospar qabyldanyp, jergilikti baspa­sóz quraldaryndaǵy ózekti jarııa­lanymdar jurtshy­lyq nazaryn aýdarýda. Qoldanylǵan sharalarǵa qaramastan búgingi kúni 11 orman órti tirkeldi. Sondyqtan, jumysymyzdyń osal tustary ekshelip, qoldanystaǵy barlyq áreket-qımyldarymyz ben is-sharalar keshendi túrde qatań baqylaýda ustalatyn bolady. Beksultan BAIMUTOV, Aqmola oblystyq orman jáne ańshylyq sharýa­shy­lyǵy aýmaqtyq ınspeksııasynyń bastyǵy.