О́zderine de, ózgelerge de tıimdi

«Bıznestiń jol kartasy-2020» baǵ­dar­lamasymen oblys boıynsha memlek­ettik qoldaýǵa 19 kásiporyn ıe boldy. Naryqtyq qatynastyń alǵashqy jyl­dary óndiristiń buraýy bosap, byrt-byrt úzilgende aýyl halqy eseńgirep qalǵany áli kóz aldymyzda. Sol kezde kimdi bolsyn kúnkóris qamy myqtap oılandyrdy. Desek te qıyndyqtan shy­ǵýǵa nıettengender jer telimin alyp, alǵashqy qadamdaryn jasady. Solardyń qatarynda Esik qalasyndaǵy «Asqarov» sharýa qojalyǵy jer telimin paıdalanýdy bastaǵan. Aǵaıyndy Asqarovtar 1992 jyl­dan beri aýyl sharýashylyǵymen aı­nalys­sa, búginde 83 gektardan astam jerge ıelik etedi. Negizinen qazaqtyń aqbas sıyryn ósirip otyr. Zeńgi baba­nyń ózge iri qaradan aıyrmashy­lyǵy etiniń tyǵyzdyǵy, salmaǵynyń 65 pa­ıyzy taza et ónimi ekendiginde. О́nim uzaq ýa­qyt qunarlylyǵyn joǵalt­paı­tyny ta­ǵy bar. Sharýashylyq bıyl baǵaly baǵdarlamanyń birinshi baǵy­tynan qoldaý taýypty. Bankten nesıe berilgen. Onyń jartysyn «Damý» kásip­ker­likti damytý qory tóleýde. Berilgen nesıe sapaly mal etin óndirýge tyń serpin berdi, deıdi sharýalar. Atalmysh baǵdarlama arqyly sýbsıdııa alǵan olar qarjyǵa qora-qop­sy­laryn qymtady, tehnıka satyp aldy. Kem-ketigin bútindegen sharýalar 2016 jylǵa deıin josparlanǵan et eks­portyn 60 myń tonnaǵa jetkizýge óz úlesimizdi qosamyz, dep jelpinýde. – Bul kásipkerlerdiń ál-aýqatyn kóterýde tıimdi jańalyq. Jańalyqty nesıe alýǵa barǵanda estidik. Memleketten kómek beriletindigin bilgennen soń qujattarymyzdy túgendep ótkiz­dik. Endi nesıeniń bir bóligin ǵana tóleımiz, qalǵanyn memleket ótep keledi. Áriptesterime aıtarym, baǵdar­lama biz úshin kóp kómek ekenine kózim jetti. Sizder de alsańyzdar bolady. Bizge endi tek bilek sybana jumys isteý ǵana qaldy, – deıdi «Asqarov» sharýa qojalyǵynyń basshysy Iаkýb Asqarov. Jazdyń janǵa jaıly sátinde sha­rýa­shylyq iri qarany jaılaýǵa shy­ǵaryp, kúıin kóterýge kóńil ból­gen. Bul kásipkerlerge mal azyǵyn únem­deýge múmkindik berýde. Kúz túsip, jer sarǵaıǵan tusta maldy qo­rada ustap, bordaqylaıdy. Bul jumysty atqarýmen 11 adam aınalysady. Sondaı-aq, sharýashylyq «gıs­sar» atty asyl tuqymdy qoı ósirýdi de qolǵa ala bastaǵan. Onyń tıimdiligin baıqaý úshin 100 bas qoı satyp alypty. Sharýalar aldaǵy ýaqytta iri qara soıatyn qasap­hana salýdy kóz­dep otyr. Ha­lyq­aralyq talaptarǵa saı halal túrindegi et ónimderin eks­port­qa shyǵarý da oı­la­ryn­da bar. Kúmisjan BAIJAN, Almaty oblysy.