Joba quny 602,7 mln teńge bolatyn kásiporyn jylyna 1500 tonna maısyzdandyrylǵan qurǵaq sút pen 500 tonna sary maı shyǵaratyn bolady.
«Asyl Bastaý KZ» JShS shıkizatty aýdandaǵy januıalyq sút fermalarynan alýdy josparlasa, aldaǵy ýaqytta seriktestik óz taýarly sút fermasyn ashýdy kózdep otyr.
Qazyǵurt aýdanynda «О́ńirler kásipkerligin qoldaý kartasy» aıasynda jalpy 2,8 mlrd teńge bolatyn 8 joba engizilgen. Búginde bulardyń ishinde ındýstrıaldy aımaqta 5 joba iske qosylsa, qalǵan 3 joba 2017-2018 jyldary iske asyrylady dep josparlanýda.
Aıta keteıik, oblystyń aýdan, qalalarynda qurylǵan ındýstrıaldy aımaqtarda 37 mlrd teńge bolatyn 66 joba iske asyrylyp, 4 myńǵa jýyq jumys orny qurylǵan.
