Aldyńǵy bólimde jergilikti N.Jantórın atyndaǵy mýzykalyq-drama teatr ártisteri aqynnyń «On segiz myń ǵalam jáne ksenofobııa derti» atty ómirzaıa-tolǵaýyn «Úreı derti» taqyrybynda somdap shyqty. 2-shi bólim aqyn shyǵarmashylyǵyna arnaldy. Ártister S.Adaı shyǵarmalaryn oqyp, ánshiler aqyn sózine jazylǵan ánderdi oryndady. Sondaı-aq, kúıshi Sabyrdyń shákirtteri kúı tókpektetti.
– Búgin shyn máninde qazaqtyń qara óleńiniń tórge shyqqan kúni. Sózdiń kıesi qurmettelgen mereıli de mártebeli, rýhanı keshke kýá bolyp otyrmyz. Qazaq úshin sóz – kıe, jyr – namys, óleń – ómirdiń máni. Danyshpan Abaı aıtqandaı: «О́leń – sózdiń patshasy!» Osy qasıetti topyraqta kindik qany tamǵan qazaqtyń kórnekti qalamgeri, memleket jáne qoǵam qaıratkeri, Ábish aǵa Kekilbaıuly jıi aıtatyn bir sóz bar: «Qazaqtyń aqyn bolmaýy múmkin emes, óıtkeni ár sózi birin-biri izdep taýyp, qushaqtasyp, uıqasyp turady» degen. Shynynda da qazaqtyń jany aqyn, rýhy aqyn!
Ulan baıtaq dalanyń tósinde, erkin ósken eldiń janyn qorǵaǵan bir qarýy – bileginiń kúshi, naızasynyń ushy bolsa, aryn qorǵaǵan bir qarýy – Sóz bolatyn. Abyl, Nurym, Aqtan, Qashaǵan sekildi jyraýlardan bastalatyn Mańǵystaý ádebıeti búgin de tulǵasyz emes. О́ziniń «Ár qazaq – meniń jalǵyzym» degen bir aýyz sózi ultynyń uranyna aınalǵan aqyn Sabyr Adaı – sol tulǵanyń biri. Táýelsizdiktiń týyn tiktep, halqymyzdyń rýhyn asqaqtatyp, ulttyń birligin kúsheıtý jolynda Sabyr aqynnyń osy bir uran-jyryn Elbasymyz Nursultan Ábishuly Nazarbaev tiline tıek etken bolatyn. Birtutas Qazaqstan halqynyń yntymaǵyn jyrlap, tynyshtyǵyn tileý úshin de úlken júrek kerek. О́z ultyn sheksiz súıgen, shynaıy elshil, otanshyl júrek kerek. Sondaı júrekten týǵan jyr ǵana halqynyń armanymen úndesedi:
...Qazaqstan – jalǵyz uly qazaqtyń,
Sol jalǵyzdyń qurbandyǵy bar qazaq!
Menińshe aqynnyń bar aqıqaty osy eki jol jyrmen aıtylyp tur.
Táýelsizdikti alý qandaı mańyzdy bolsa, ony saqtap turýdyń jaýapkershiligi odan da zor ekendigi týraly Elbasy jıi aıtady. Bir kezderi Buqar jyraýdan bastap qanshama ata-babamyz azattyqty ańsap jyrlasa, jańa zaman aqyndarynyń qalamyna eldiń erkindigin, qazaqtyń derbes memlekettigin jazý buıyrdy. Bul úlken baqyt, zor jaýapkershilik! Siz osy jaýapkershilikti arqalaǵan aqynsyz.
– Qurmetti Sabyr aqyn!
О́zińiz jyrlaǵan Mahambettiń sertindeı berik, semserindeı ótkir, ór rýhty jyrlaryńyz ǵumyrly bolýyn tileımin. Ádebıet áleminde ózindik qoltańbasy bar qalamger, qoǵamda eldik ıdeıasy aıqyn qaıratker, alashtyń arly azamaty degen abyroıyńyz asa bersin, jasaı berińiz! Shyǵarmashylyq keshińiz qutty bolsyn! – dedi Mańǵystaý oblysynyń ákimi E.Toǵjanov quttyqtaý sózinde. Aımaq basshysy Sabyr Sherkeshbaıulyna oblystyń áleýmettik-ekonomıkalyq damýyna qosqan úlesi úshin Qurmet gramotasyn tapsyrdy.
Quttyqtaýshylar legi az bolǵan joq – olar aqyn shyǵarmalaryn joǵary baǵalap, denine saýlyq, otbasyna amandyq tiledi, áli de tyń týyndylar kútetindikterin jetkizdi.
Kesh «Nur Plaza» meıramhanasynda aqyn men onyń qonaqtarynyń qurmetine oblys ákimi jaıǵan dastarhanda jalǵasty. Bas-aıaǵy 8 saǵatqa sozylǵan keshte azamattar «halyqtyń shyn máninde Sabyr syndy aqyndarynyń óleńderine shólirkep júrgendigi ańǵaryldy» dep tarasty.
Gúlaıym Shyntemirqyzy,
«Egemen Qazaqstan».
Foto: Serik Maıemerov.
AQTAÝ.
