Elimizge negizgi ınvestısııa munaı-gaz sektoryna salynǵan

QR Investısııalar jáne damý vıse-mınıstri Erlan Qaıyrov «Almaty Invest-2016» forýmynda ınvestorlarǵa Qazaqstanǵa ınvestısıchıa salýdyń artyqshylyqtaryn aıtty. «Bizde bıylǵy jyldyń basynan bastap, elimizdiń barlyq óńirinde ınvestorlar úshin «bir tereze» qaǵıdaty jumys jasaıdy. Jyl basynan beri 4000 memlekettik qyzmet kórsetildi, onyń ishinde vıza alýdan bastap, jumys kúshin ákelý, jer ýchaskelerin alý qyzmetteri bar», - dedi Erlan Qaıyrov. Sonymen qatar, vıse-mınıstr elimizde ınvestısılyq ombýdsmen bar ekenin de atap ótti. Bul salada ınvestorlardyń paıdasy úshin sotqa deıin 60 másele sheshilgen. «Eger siz Qazaqstan úshin jańa taýar shyǵaratyn bolsańyz, ol taýar eksportqa baǵyttalsa onda Úkimet qurylys-montaj jumystary jáne sizdiń qurylǵy baǵasyna qatysty shyǵynnyń 30 paıyzyn óteýge daıyn. Biz sheteldik jumys kúshin qurylys jumystary barysynda Qazaqstanǵa kirgizýge jáne qurylǵyny iske qosqannan keıin de bir jylǵa kirgizýge ruqsat beremiz», - dedi vıse-mınıstr. E.Qaıyrov 11 jylda Qazaqstan 230 mlrd dollar tikeleı shetel ınvestısııasyn tartqanyn aıtty. Mundaǵy negizgi ınvestısııa munaı-gaz sektoryna salynǵan. Biraq, ındýstrııalandyrý baǵdarlamasyna sáıkes, qazirgi shetel ınvestısııasy óńdeý sektoryna salynyp jatyr. Aıta keteıik, búgin Almatyda Ritz-Carlton qonaq úıinde Almaty qalasy ákimdiginiń uıymdastyrýymen «Almaty Invest-2016» forýmy ótip jatyr. Halyqaralyq ekonomıkalyq jıynǵa qala ákimi Baýyrjan Baıbek, QR UB tóraǵasy Danııar Aqyshev, UBS  Asset Management strategııalar jáne jahandyq naryqtar boıynsha basshysy Massımılıano Kastelıı men Sanlas hoiding kompanııasynyń negizin qalaýshy Gıýnter Nebel sekildi sarapshylar qatysýda.