Kásipkerler endi onlaın shaǵym túsire alady

2013 jyldyń qazan aıynan beri Ulttyq palataǵa 15430 ótinish tússe, 2016 jyly olardyń sany 5419 aryz-shaǵymdy quraǵan. «Atamekende» bıznes ókilderinen ótinish-tilekterdi qabyldaýǵa arnalǵan onlaın-servıster iske qosylyp, prokýratýra organdarymen ózara baılanys ornaǵan, dep habarlaıdy abctv.kz. Eń kóp ótinishter salyq salý, jer zańnamasy, satyp alý jáne kásipkerlik saladaǵy daý-damaılarǵa qatysty bolyp otyr. Aryzdardyń 40 paıyzyn oń sheshýge qol jetkizilgen. Sáıkesinshe kásipkerlerdiń 41,7 mlrd teńge somasyndaǵy múliktik quqyǵy qorǵalyp qalǵan. Bıznes-ortany jetildirý maqsatynda, KUP, ózekti máseleler reestrin jasap, oǵan kelip túsken 438 máseleniń 65%-y, ıaǵnı 285-i sheshimin tapqan. 2016 jyldyń 11 aıynda Ulttyq kásipkerler palatasy 4040 normatıvtik-quqyqtyq akti jobasyn saraptaýdan ótkizdi. Naqty nátıjeler baıqalýda. «Naqty josparlaý jobalary joqtyǵy sebebinen ákimdikterdiń jer telimderin berýden bas tartý máselesi sheshilip, ózge kommersııalyq maqsattarǵa qoldanǵan kezde kommersııalyq jerdiń maqsatty taǵaıyndalýyn ózgertý qajettiligi joıyldy. Memlekettik baqylaý men qadaǵalaý júıesi ońtaılandyrylyp, josparly tekseris túrleri toqtatyldy, 3 tekseris tásili engizildi. Retteýshi áser etý taldaýyn ótkizý jaıly qaǵıdat iske qosyldy. Endigi sátte, jańa ruqsat etý túrlerin engizgende nemese talaptardy qatańdatqanda, memlekettik mekeme ekonomıkalyq esepteýler arqyly onyń qajettiligin dáleldeýi tıis. Túbegeıli sheshim birinshi vıse-premer tóraǵalyq etetin vedomstvoaralyq komıssııa deńgeıinde qabyldanady. Nysandardardy jarnamanyń qaısybir túrine jatqyzýdaǵy túsinispeýshilik te óz sheshimin tapty. О́ıtkeni mańdaıshalardaǵy jazýlar barlyq bıznes sýbektileri úshin jarnama túrinen shyǵaryldy», – dep málim etti Nurjan Áltaev Úkimet basshysy Baqytjan Saǵyntaev qatysqan jıynda. Otandyq kásipkerlerdiń taǵy bir bas aýyrtar máselesi, ásirese aýyldyq jerde, ol qarjylyq, ınfraqurylymdyq jáne ótkizý naryqtarynyń qoljetimdiligi bolýda. Bul tusta Ulttyq palatanyń sýbsıdııalaýdyń aýyspaly mólsherlemesin ornatýǵa qatysty usynysy qabyldanǵan. «UKP kelesi formýlany usynady: sýbsıdııalaý mólsherlemesi = ótimdilik boıynsha mólsherleme (bazalyq mólsherleme + dáliz) + bank marjasy. Osy oraıda sýbsıdııalaý ustanymyn saqtap qalý qajet. Sondaı-aq, Palata, «Bıznestiń jol kartasy-2020» baǵdarlamasy aıasynda kýpondyq syıaqylyq sýbsıdııalaý tetigin engizýdi, aınalym qarajatynyń ońtaıly mólsherlemesin 12%-dan, ınvestısııalyq maqsattarǵa 7%-dan aspaıtyndaı deńgeıde qamtamasyz etýdi, «tıimdi joba» uǵymyn alyp tastaýdy ıakı qaıta qarastyrýdy, saýyqtyrý baǵdarlamasyn jandandyrýdy, memlekettik-jekemenshik seriktestik jobalaryn sýbsıdııalaýdy usyndy», – dedi KUP basqarma tóraǵasynyń orynbasary.