Saǵyntaev Ulttyq qor qarajatyn paıdalanýdyń jańa tásilin aıtty

Úkimet QR Prezıdentiniń qaraýyna Ulttyq qordyń qarajatyn  paıdalanýdy qalyptastyrý boıynsha jańa tujyrymdama engizdi. Bul týraly búgin QR Premer-Mınıstri Baqytjan Saǵyntaev aıtty, dep habarlady «QazAqparat». «Álemdegi jaǵdaı kúrdeli ekeni barshaǵa belgili. Muny kórip otyrmyz. Barlyǵy  aqsha tek Ulttyq qordan keledi, basqa tıyn joq dedi.   Eger biz tek osy baǵytta  áreket etsek, onda Ulttyq qorda  túk te qalmaıdy. Bizdiń Ulttyq qor jaıly tilegimiz  munaıdyń barreline 100-115 dollar bolǵan kezdegideı qalyp qoıǵan. Búgingi munaıdyń baǵasy múldem basqasha. Biz Ulttyq qordyń qarajatyn munaıdyń baǵasy barreline 100 dollar jaǵdaıynda ómir súrip jatqandaı paıdalanǵymyz keledi. Sondyqtan biz Memleket basshysyna Ulttyq qordyń qarajatyn paıdalanýdy qalyptastyrýdyń jańa tujyrymdamasyn engizdik. Prezıdent tujyrymdamany maquldady. Tıisti sheshimder bar. Kelesi jyldan bastap Ulttyq qordyń qarajatyn basqasha paıdalanatyn bolamyz», - dedi «Atameken» UKP Prezıdıýmynyń otyrysynda Saǵyntaev. Eske salsaq, qazanda ulttyq ekonomıka mınıstri Qýandyq Bishimbaev úsh jylda Ulttyq qor qarajatyn paıdalaný kólemi azaıtylatynyn habarlaǵan. «О́kinishke oraı, Ulttyq qordyń qarajatyn paıdalanýdan qazirgi sátte bas tarta almaımyz. Biraq, josparymyz boıynsha, 2017, 2018, 2019 jyldardan bastap úsh jyl ishinde biz bıýdjet shyǵystary men Ulttyq qordan tartylatyn qarajat kólemin teńgerimdeımiz», - dep atap ótti ol.