Almatylyq qoǵamdyq kólikterde kitaphana ashyldy. Kitaptar avtobýstardyń ár oryndyǵyna tańylǵan. Muhtar Áýezov, Qadirbek Segizbaev syndy kóptegen jazýshylardyń týyndylary nómiri 11, 17, 133 jáne 406 baǵyttaǵy avtobýstarǵa qoıylǵan. «Kitap Talking» atty aksııany «Nur Otan» partııasy Medeý aýdandyq ákimshiligimen birlese júzege asyryp otyr. Al aldaǵy ýaqytta kitaptar urlanbaı, jyrtylmaı, oqyrman arasynan qoldaý tapsa, onda avtobýstarǵa qoıylatyn týyndylar sany da kóbeımek, dep jazady Almaty telearnasy.
«Bul aksııany Táýelsizdiktiń 25 jyldyǵy, Almaty qalasynyń 1000 jyldyǵyna oraı uıymdastyryp otyrmyz. Tarıhqa baılanysty, Almatynyń kórikti jerlerine qatysty, tanymdyq, ádebı kitaptar bar. Osylardy qoıyp jatyrmyz. Basty maqsatymyz - qoǵamdyq oryndarda jastardyń kitapqa degen qyzyǵýshylyǵyn arttyrý»,- dedi «Nur Otan» partııasy Medeý aýdandyq fılıaly tóraǵasynyń birinshi orynbasary Arman Halbekov.
