Qazaqstan álemdegi iri agromádenı klaster bola alady - Hallıer

Halyqaralyq sarapshylar Qazaqstannyń aýyl sharýashylyǵy salasyndaǵy bolashaǵy zor dep esepteıdi. Bul týraly búgin Almatyda ótip jatqan «Almaty invest-2016» halyqaralyq forýmy barysynda Eýropa saýda ınstıtýty, Eýropa reteıl akademııasynyń jetekshisi Brend Hallıer "QazAqparatqa"bergen suhbatynda atap ótti. Hallıer myrza Qazaqstanǵa ınvestısııany tamaq ónerkásibi men logıstıkaǵa salǵan tıimdi dep esepteıdi. Sonymen qatar, sarapshy organıkalyq ónimder óndirý, tabıǵı, ekologııalyq taza tamaq óndirisi, alma, kúrish, taǵy basqa da Qazaqstan bere alatyn aýyl sharýashylyǵy ónerkásibi ınvestorlar úshin tartymdy bolatynyn jetkizdi. "Menińshe, aýyl sharýashylyǵy salasynda Qazaqstannyń bolashaǵy zor, sondyqtan, aýyl sharýashylyǵy jobalaryn damytýǵa mán berý kerek. Sizderdiń elderińizdiń álemdegi iri agromádenı klasterge aınalýǵa áleýeti jeterlik", - dedi Brend Hallıer. Sonymen qatar ol Qazaqstandy Astana, Baıqońyr arqyly tanıtynyn, odan da tanymal bolý úshin shetel BAQ-taryna jıi jarııalaný kerek dep oılaıtynyn aıtty. Aıta keteıik, Bernd Hallıer forýmnyń paneldik talqylaýynda Qazaqstanda Halyqaralyq ýnıversıtet qurýǵa múddeli ekenin jetkizdi. Ol JOO Qazaqstan, Tájikstan, Qyrǵyzstan týraly baıandamalar jasap, naqty aqparattar usynýmen aınalyspaq.