Ǵ.Jubanova atyndaǵy oblystyq fılarmonııanyń halyqaralyq "Zovy Ýrala -2013", "Jubanov kóktemi" festıvalderiniń laýreaty «Dostyq sazy» folklorlyq ansambli Qazaqstan Respýblıkasy Táýelsizdiginiń 25 jyldyǵyna oraı jáne qurylǵanyna 5 jyl tolýyna arnap «Táýelsizdik - tiregim» atty konsert baǵdarlama usyndy.
О́ner ujymynyń kórkemdik jetekshisi - QR mádenıet salasynyn úzdigi Baqytbek Zeınelov. Ansambl repertýary óte baı. Halyq kompozıtorlarynyń kúıleri men ánderi, qazaq, orys jáne shetel kompozıtorlarynyń shyǵarmalary da bar. Ansambl merekelik baǵdarlamanyń shymyldyǵyn Myrzanyń «Ilme» kúıimen ashty. Ansambl ánshileri N.Ábdibekov pen D.Shynarbaevanyń oryndaýyndaǵy «Arnaý», «Sypyra jyraý termesi», «Aqbulaq» ánderi kórermen kóńilinen shyqty. Ansambl budan basqa «Serpin», «Grýzın halyq áýenderi», «Tájik bılerinen popýrrı», «Jibek jetisý» jáne basqa mýzykalyq shyǵarmalar oryndady. Sonymen qatar konsertte fılarmonııa ánshileri J.Nurqasymova, P.Qalýova óner kórsetti.
Satypaldy SÁÝIRBAEV,
"Egemen Qazaqstan". Aqtóbe.
