«Ýnıversıada usynǵan»

sertıfıkat 99 qonaq úı men 106 meıramhanaǵa berildi Almatyda sońǵy jyldary qonaq úıler sany 3 ese óskenine qaramastan, olardyń qyzmet kór­setý sapasy sanattaryna saı ma degen saýal jıi aldan shyǵa­dy. Ásirese, bul Ýnıversıada jaqyn­daǵan saıyn bilinýde. Búgingi tańda ońtústik shaharda qyzmetin jalǵastyryp otyrǵan 137 qonaqúı bar. Bul – resmı derek. Bir qyzyǵy, ótken jyldyń 15 maýsymy men 15 qyrkúıegi ara­lyǵynda qazaqstandyq meıramhana men qonaqúıler assosıasııa­sy arnaıy zertteý júrgizgende, oǵan barlyǵy 165 qonaqúı qatysqan edi. Sol sııaqty qalada bıýdjeti tómen hostelder qatary kóbeıe túskeni baıqalady. Alaıda, brendke aınalǵan 4, 5 juldyzdylaryn aıtpaǵanda, Almatydaǵy qonaqúı­lerdiń kópshiliginiń sanaty aıqyn­dalmaǵany jýyrda ótken iskerlik keńesinde aıtyldy. Sondyqtan, megapolıs ákimi Baýyrjan Baıbek kezekti ret qala­lyq servıstik klasterdi damytý máselesi boıynsha keńes ótkizdi. Shahar basshysy aldymen týrızm, tipti daǵdarys kezinde de tabys ákeletinin aıta kelip, bul salada da básekelestik arta túskenin naqty mysaldarmen keltirdi. Halyqaralyq sarapshylardyń baǵalaýynsha, týrızm ekonomı­kanyń aralas 30 salasynyń damýyna yqpal etedi eken. Bul rette Almatynyń áleýeti joǵary, qazirdiń ózinde Qazaqstanǵa joly túsken árbir ekinshi sheteldik týrıst Almatyny aınalyp ótpeıdi. Ákim bul jıynda da qonaqúıler men tamaqtaný oryndarynyń servısin jaqsartý, týrıstik azyq-túlik ónim­deriniń túrin kóbeıtý qajettigin atap ótti. Ol qa­lalyqtardyń qaýipsizdigin qamtamasyz etý, basqa da kóptegen máselelerdi oıdaǵydaı sheshý odan ári jalǵasatynyn, sol arqyly týrıstik tartymdylyqtyń arta túsetinin qadap turyp jetkizdi. Quzyrly mekemelerdiń bul basqosýynda qoǵamdyq oryndardyń ornalasýy men qonaqjaılylyǵyna qatysty Almaty damý ortalyǵy júrgizgen zertteýdiń qorytyndysy shyǵaryldy. Onyń basqarma tóraıymy Jan­na Tólegenova nysandardyń alty baǵyt boıynsha zerttelgendigin aıtty. Olar – kezdesý, tutyný talabyn anyqtaý, kommýnıkasııa jáne satý, pikirtalastyrýshylarmen jumys isteý, keshirý jáne ortaq eskertpeler. Qorytyndy baǵa klıentter pikiriniń 4 deńgeıi boıynsha shyǵarylǵan – úzdik, jaqsy, qanaǵattanarlyq, qanaǵattanǵysyz. «Zertteý jumysy «Qupııa satyp alýshy» ádisi boıynsha júrdi. Onda arnaıy anketa toltyryldy ári jappaı irikteý boıynsha tıisti baldar qoıyldy. Qoǵamdyq tamaqtandyrýdyń 106 nysanynyń 69-y – «úzdik», 23-i – «jaqsy», 13-i «qanaǵattanarlyq», tek bireýi ǵana «qanaǵattanǵysyz» degen baǵa aldy. Ornalasýy boıynsha zerttelgen 84 nysannyń – 29-y «úzdik», 35-i – «jaqsy», 20-y «qanaǵat­tanar­lyq» baǵalaryn ıelendi. Orna­lasýy jaǵynan bar­lyq nysandar qanaǵattanarlyq bolyp shyqty. Jıyn sońynda «Ýnıversıada usy­nady» sertıfı­kat­tary 99 qonaqúı men 106 qoǵamdyq tamaq­tandyrý ornyna berildi. – Resmı málimet boıynsha, Ýnıversıada jarystary kezinde qonaqúıler men meıramhanalardyń jumysy 84 paıyzǵa artady. Týrıstik baǵyttardyń qaýyrt­tyǵy 400 paıyzǵa ulǵaıady. Oıyn­­dar aıaqtalǵan soń qalanyń týrıstik áleýeti 2,5 esege ósedi. «Ýnı­ver­sıada usynady» sertıfıkattary jáne shıldalarmen birge Ýnıversıadanyń brend-býktaryn eskere otyryp, meıramhanalardy, qonaqúılerdi, oıyn-saýyq oryndaryn bezendirýdiń birneshe túri kórsetilgen flesh-kartalardy da tarattyq, – dedi «28-shi Búkilálemdik Qysqy Ýnıversıadany ótkizýdi uıymdas­tyrý dıreksııasy» MQ basshysy Naıl Nýrov. Eske sala keteıik, Ýnıversıada Almatyda 2017 jyldyń 29 qań­tary men 8 aqpany aralyǵynda ótedi. Stýdenttik oıyndar baǵdar­lamasyna sporttyń 12 túri engen. Almatyǵa álemniń 57 elinen 2 myń sportshy keledi dep kútilýde. Aınash ESALI, «Egemen Qazaqstan» ALMATY