«Ulttyq zııatkerlik menshik ınstıtýty»

Keshe elordada geografııalyq kórsetkishter men taýar shyqqan jerlerdiń negizinde aıyrý belgilerin qorǵaý quraldary máseleleri boıynsha sýbóńirlik semınar ótti. Atalǵan sharany Dúnıejúzilik zııatkerlik menshik uıymy (DZMU) jáne elimizdiń Ádilet mınıstrligi men Ulttyq zııatkerlik menshik ınstıtýty birlese uıymdastyrdy. Semınardyń maqsaty geogra­fııa­lyq kórsetkishterdi qorǵaý má­selelerin talqylaý jáne sheteldik zııatkerlik menshik vedomstvolarymen tájirıbe almasý boldy. О́ziniń quttyqtaý sózinde Ulttyq zııatkerlik menshik ınstıtýtynyń dırektory Syrym Bekenov semınar qazaqstandyq zııatkerlik menshik nysandaryn qorǵaý júıe­sin jetildirýde mańyzdy is-shara ekendigin alǵa tartty. Al Dú­nıe­júzilik zııatkerlik menshik uıym­ynyń ekonomıkasy ótpeli jáne da­myǵan elder departamentiniń Kavkaz, Ortalyq Azııa jáne Shyǵys Eýropa elderi boıynsha seksııa basshysynyń mindetin atqarýshy Ilıa Grıbkov qazirgi tańda uıym 70-ke tarta elmen yntymaqtastyq qatynasta ekendigin jetkizdi. Onyń qatarynda damyǵan AQSh, Kanada, Japonııa sııaqty eldermen birge, damýshy elder de bar. Atalǵan uıymnyń elder ekonomıkasynyń damýyna yqpaldasý, normalardy ázirleýge kómek kórsetý jáne ınfraqurylymdy qurý sııaqty úsh baǵytta jumys istep kele jatqany da ataldy. Otyrys barysynda DZMU, AQSh, Italııa, Túrikmenstan, Tájikstan, Qyrǵyzstan, Mol­do­va jáne Grýzııa patent vedom­s­tvolarynyń ókilderi baıandamalar jasap, óz oılarymen bólisti. Olar óz sózderinde geografııalyq kór­­setkishter má­sele­leri men ón­­­di­­rýshilerdiń eks­porttyq bá­se­kelestikke qabilettiligin arttyrý úshin paıdalaný, taýar tańbalaryn halyqaralyq tirkeýdiń Madrıd júıesi, taýarlardyń shyqqan jeriniń ataýlaryn qorǵaý jaıy, Lıssabon kelisiminiń maqsattary týraly jan-jaqty málimetter keltirdi. Jalpy, taýardyń shyǵýy geografııalyq kórsetkishi retinde eldiń eski nemese jańa, resmı nemese beıresmı, tolyq nemese qysqarǵan ataýy tirkelýi múmkin. Sonymen birge, ol óńirdiń, eldi mekenniń, jergilikti jerdiń nemese ózge de geografııalyq nysannyń ataýymen de baılanystyrylyp jatady. Qazirgi tańda Qazaqstanda 28 sheteldik taýar belgileri tir­kel­gen. Atap kórsetkende, eli­miz­­­de ıtalııalyq PARMIGIANO REGGIANO irimshigi, 18 grýzııalyq sha­rap, reseılik «Rýsskaıa vodka» men «Býdeıovıskoe pıvo» sııaqty ataýdaǵy ónimderi. Sondaı-aq, 10 qazaqstandyq ataýlar tirkelse, olardyń qatarynda «Saryaǵash», «Aqsaı», «Tań» sııaqty sýsyndar da bar. Shara aıasynda Ádilet mını­str­liginiń «Ulttyq zııatkerlik menshik ınstıtýty» RMK men AQSh Patent jáne taýar tańbalary jónindegi vedomstvo arasynda О́zara túsinistik jáne ekijaqty yntymaqtastyq memorandýmyna qol qoıyldy. Asqar TURAPBAIULY, «Egemen Qazaqstan»