Investısııalyq jobalarǵa jol ashyq

«Almaty Invest-2016» forýmyna 63 memlekettiń bıznes ókilderi keldi Beısenbi kúni Almatydaǵy Ritz-Carlton qonaq úıinde «Almaty Invest-2016» IV halyqaralyq ınvestısııalyq forýmy bastaldy.  Úsh kúnge sozylǵan bul forým sársenbi kúni Almatydaǵy ınves­torlardy tartý jáne qalanyń ınvestısııalyq aýhalyn jaqsartý jónindegi keńestiń májilisinen bastaý alǵan bolatyn. Forýmnyń negizgi jıynyna 63 memleketten 500-den astam bıznes salasynyń kóshbasshylary, ınvestısııalyq korporasııalar jetekshileri, qarjy ınstıtýttary men halyqaralyq uıymdardyń ókilderi qatysty. Olardyń arasynda belgili saıasatkerler de bar. Halyqaralyq jıynda qala ákimi Baýyrjan Baıbek, Ulttyq Bank tóraǵasy Danııar Aqyshev, UBS  Asset Management strategııalar jáne jahan­dyq naryqtar boıynsha basshysy Massımılıano Kastelıı men Sanlas hoiding kompanııasynyń negizin qalaýshy Gıýnter Nebel sekildi sarapshylar sóz aldy. Almatyda bıylǵy 11 aı ishin­de negizgi kapıtalǵa ınvestısııa tartý 1,1 mıllıard AQSh dollaryn qu­ra­ǵan. Qazir ońtústik astanada 100 el­diń 14 myńnan astam kompanııasy eko­nomıkanyń san salasy boıynsha jumys is­teýde. Qalaı bolǵanda da, syrttaǵy bıznes-qaýym­dastyqtyń Qazaqstanǵa degen senimin joǵaltpaı, ınvestısııany irkil­­dirmeý úshin jasalyp jatqan sharalar bar. Al ınvestısııa tartý máselesinde Almatynyń orny aıryqsha bolyp qala ber­mek. Jańa Jibek joly boıyndaǵy eko­nomıkalyq iskerlik ortalyǵyna aına­lǵan Almatyda árbir on adamnyń je­teýi orta jáne shaǵyn bızneste ju­mys isteıdi. Osymen tórtinshi ret ótkizilip otyr­ǵan «Almaty Invest-2016» ha­ly­q­aralyq ınvestısııalyq forýmynda Almaty qalasynyń ákimi «Almaty – mádenıettiń, bıznes pen jeke kapı­tal­dyń qalasy. Táýelsizdik jyldary qa­la bıýdjeti 41 mıllıard dollarǵa deıin jetti. Bul elimizdiń munaıdan bó­lek kiristeriniń 1/3 bóligin beredi. Qalada shaǵyn jáne orta bıznes 130 esege ósip, 183 myńǵa jetti, onyń 14 my­ńy sheteldik kapıtaldyń katysýymen jumysyn júrgizip otyr. 25 jyl ishin­de Qazaqstanda ómir súrý sapasy jaqsardy. Sońǵy 5 jylda Almaty 2 esege ósti. Qala halqy aglomerasııa ese­bi­nen 3 mıllıonǵa jetti. Almaty – Uly Jibek jolyndaǵy 1000 jyldyq tarıhy bar qala» dedi. Qala ákimi táýelsizdik jyldary qalanyń ınfraqurylym salasyna 3 mıllıard dollardan astam qarjy jum­­- ­sa­lǵanyn aıta kele, osy jyldarda Almatyda 28 jolaıryq salynǵanyn, ke­le­si jyly 4 jolaıryq pen kúre jol­dar qu­rylysy jalǵasatyndyǵyn má­limdedi. – Almatyǵa ınvestısııa tartýdyń tetigi – týrızm salasy. Elimizge kelgen árbir ekinshi týrıst Almatyǵa soqpaı ketpeıdi. Almatyda joǵary sapadaǵy 2 myń meıramhana qonaqtardy qabyldaýǵa daıyn. Aldaǵy ýaqytta Almaty halyq­aralyq áýejaıyn keńeıtý, mashına ja­saý kásiporyndaryna, hımııalyq far­masevtıkaǵa kóńil bólinbek. Qala­myz­da ınvestorlar úshin barlyq jaǵdaı ja­saldy. Elimiz 30 jylǵa deıin kedergisiz ta­bys tabýǵa kepildik beredi, – dedi Almaty qalasynyń ákimi. Elimizdiń bas bankıri Danııar Aqyshev «TMD elderiniń ishinde Qazaqstan ınves­torlar úshin eń tartymdy nysannyń biri bolyp qala beredi. Buǵan álemdik qarjylyq naryqtaǵy qubylmaly jaǵ­daıǵa qaramastan, Qazaqstandaǵy eko­nomıkalyq turaqtylyq yqpal etip tur. Munyń aıǵaǵy, 2016 jyldyń 6 aıynda elimizge kelgen taza ınvestısııalyq qarjy 12,1 mıllıard AQSh dollaryna jetti. Munan bólek, ústimizdegi jyldyń úshinshi toqsanynda rekordtyq qarjy legi tirkelip, ol 6,4 mıllıard dollarǵa jetti. Úkimet elde jaǵymdy ınvestısııalaq ahýal ornatýǵa jumys isteýde. Sondaı-aq, munaı baǵasynyń tómendeýine qaramastan, elimizde IJО́-niń ósimi baıqalady. Dál qazirgi ýaqytta ol 0,4 paıyzdy quraıdy. Jyl aıaqtalǵansha bul kórsetkish óse túsedi dep eseptep otyrmyz», dedi. О́z kezeginde Investısııalar jáne damý vıse-mınıstri Erlan Qaıyrov Qazaqstanǵa ınvestısııa salýdyń ar­tyq­shylyqtaryn ataı kele, «Bıylǵy jyl­dyń basynan bastap, elimizdiń barlyq óńirinde ınvestorlar úshin «bir tereze» qaǵıdaty jumys jasaıdy. Jyl basynan beri 4000 memlekettik qyz­met kórsetildi, onyń ishinde vıza alýdan bastap, jumys kúshin ákelý, jer ýchaskelerin alý qyzmetteri bar», dedi Sondaı-aq,  vıse-mınıstr elimizde ınvestısııalyq ombýdsmen bar ekenin aıtty. Máselen, sotqa deıin 60 másele ınvestorlardyń paıdasyna sheshilgen. «Eger siz Qazaqstan úshin jańa taýar shyǵaratyn bolsańyz, ol taýar eks­portqa baǵyttalsa, onda Úkimet qu­rylys-montaj jumystary jáne sizdiń qurylǵy baǵasyna qatysty shyǵynnyń 30 paıyzyn óteýge daıyn. Biz sheteldik jumys kúshin qurylys jumystary barysynda Qazaqstanǵa kirgizýge jáne qurylǵyny iske qosqannan keıin de bir jylǵa kirgizýge ruqsat beremiz», dedi vıse-mınıstr. Qysqasy, aýqymdy forým kezinde Indýstrııalyq aımaq aýmaǵynda bıdaıdy qaıta óńdeý zaýyty, Almaty qalasyndaǵy ońaltý ortalyǵy, «Leroy Merlin» jáne «OBI» gıpermarketteri qurylysynyń 300 mıllıard teńgeni quraıtyn ınvestısııalyq jobalary boıynsha shamamen 50 memorandým jasalady dep kútilýde. Spıkerler qatarynda Carrefour, Leroy Merlin, Sanlas Holding, Tokyo Rope, EuroShop, UBS Asset Management, Dúnıejúzilik bank, EFKO jáne basqa da uıymdardy qosa alǵanda, qalaǵa ınvestısııa salǵan nemese ınvestısııalaýdy josparlap otyrǵan iri halyqaralyq uıymdardyń basshylary bar. Forýmda saýda jáne qyzmet kórsetý salasy, tamaq ónerkásibi, iskerlik týrızm, memleket-jekemenshik seriktestigi jáne ındýstrııalyq damý sekildi negizgi 5 baǵyt boıynsha Almaty qalasynyń ınvestısııalyq múmkindikteri talqy­lan­dy. Halyqaralyq forým juma kúni de jalǵasady. 9 jeltoqsandaǵy is-sharalar jumys isteıtin kásiporyndarǵa, óner­kásiptik aımaqtar men týrıstik ny­sandarǵa qyzyǵýshylyq tanytqan ın­vestorlar úshin ınvestısııalyq tý­r­­­lar úlgisinde ótedi. Budan basqa, KASE qor bırjasynyń  jumys isteý tá­sil­deri boıynsha semınar uıym­das­ty­rylyp, «Almaty StartUp City-2017» baǵ­darlamasynyń tusaýy kesilmek. Al­mat­ylyq startapshylar úshin sheberlik dá­risteri men vorkshoptar ótedi. Aınash ESALI, «Egemen Qazaqstan» ALMATY Sýretterdi túsirgen Dáýren ISAEV