Qyzylorda áýejaıyna halyqaralyq termınal salynady

Memlekettik-jeke menshik seriktestik (MJS) sheńberinde iske qosý josparlanǵan Qazaqstannyń 12 jobasy Máskeýde ótken halyqaralyq tájirıbelik konferensııada tanystyryldy, dep habarlaıdy «QazAqparat». Is-shara maqsaty qazaqstandyq MJS jobalaryn iske asyrýǵa reseılik jáne ózge de halyqaralyq ınvestorlardy jumyldyrý bolyp tabylady. «Konferensııaǵa Qyzylorda, Mańǵystaý jáne Aqmola oblystary, Qazaqstandyq MJS ortalyǵy, Ulttyq kásipkerler palatasy qatysýda, olar áleýetti reseılik ınvestorlarǵa MJS salasyndaǵy óz jobalaryn tanystyratyn bolady», - dep atap ótti Qazaqstannyń Reseıdegi Saýda ókiliniń orynbasary Gúljan Bodyqova. «MJS baǵytyndaǵy 300 joba engen portfeldiń jalpy sanynyń 21-i - respýblıkalyq jáne 270-i jergilikti deńgeıdegi jobalar», - deıdi «Qazaqstandyq MJS ortalyǵy» AQ-nyń bas sarapshysy Erlan Jakın. Sondaı-aq Qyzylorda oblysy ákiminiń orynbasary Evgenıı Kım Máskeýde tanystyrý úshin óz óńirinen alyp kelgen MJS jobalary týraly aıtyp berdi. Olardyń sany - beseý. «Bul Qyzylorda qalasy áýejaıynyń halyqaralyq termınalynyń, 200 oryndyq jataqhanasy bar 600 bilim alýshyǵa arnalǵan kásibı-tehnıkalyq lıseıdiń, Qyzylordadaǵy emhananyń jáne aýyr atletıka ortalyǵynyń qurylysy men qalanyń sol jaǵalaýyn damytý jobasy. Sondaı-aq biz Baıqońyr boıynsha birneshe jobany usynatyn bolamyz», - dep jetkizdi E.Kım. Oblys tanystyratyn jobalardyń jalpy quny 37 mlrd. rýblge jýyqty nemese 195 mlrd. teńgeden astamdy quraıdy. Qyzylorda óńiri basshysynyń orynbasary atap ótkendeı, reseılik ınvestorlar Qyzylorda qalasy áýejaıynyń halyqaralyq termınalyn salý jobasyna qyzyǵýshylyq bildirdi. О́z kezeginde «VIS» qurylys kompanııalary tobynyń bas dırektory Igor Snegýrov Qazaqstan bıznes úshin jaıly memleket ekenin atap ótip, iri MJS jobalarynda jáne 1,5 mlrd. rýblden asatyn konsessııalarda seriktes tabýǵa nıeti jóninde jetkizdi.