«Qazatomónerkásip» AQ 2016 jylǵy taza tabysy 2,5 esege ulǵaıdy, dedi Asqar Jumaǵalıev Transformasııalaý baǵdarlamasyn iske asyrýdyń qorytyndysyna arnalǵan otyrysta.
«Kompanııa úshin bul transformasııa aıasynda ózgerýdiń alǵashqy jyly. Alaıda osy qysqa ýaqyt ishinde atqarylǵan birqatar jobalar oń óndiristik-qarjylyq kórsetkishterimizdi saqtap qalýmen qatar, olardyń ósýine de múmkindik berdi. Naqty aıtqanda, búginde biz kompanııanyń taza tabysyn byltyrmen salystyrǵanda 2,5 esege ulǵaıtýǵa qol jetkizdik», - dedi Asqar Jumaǵalıev.
2016 jyly Qazatomónerkásipte bıznes-úderister qaıta qaralyp, jańa uıymdyq qurylym bekitildi, óndiristi ártaraptandyrý jáne avtomattandyrý, beıindi emes aktıvterdi jekeshelendirý úderisteri artty, sondaı-aq seriktestermen ózara tıimdi is-áreketter kúsheıtildi.
Atap aıtqanda, Qazatomónerkásip qytaılyq seriktestermen birge JBQ shyǵaratyn zaýyt qurylysy jobasyn iske asyrýǵa kiristi. Kásiporyn qytaılyq AES-terge arnap jylyna 200 tonna ıadrolyq otyn óndiretin bolady.
Sonymen qatar, 2016 jyly sheteldik seriktestermen mańyzdy kelisimderge qol qoıyldy. Qazatomónerkásip pen «SAMESO» kompanııasy «Inkaı» BK» JShS qaıta qurylymdaýdy jáne 2018 jyly birikken kásiporyndaǵy Qazatomónerkásiptiń úlesin 40%-dan 60%-ǵa ulǵaıtýǵa, «Rosatommen» Qazaqstan-Reseı yntymaqtastyǵynyń keshendi baǵdarlamasyn oryndaý jáne «Ýran baıytý ortalyǵy» JAQ-n zııansyzdyqqa shyǵarýǵa kelisti. CGNPC korporasııasymen bolǵan kelisim 2024 jylǵa deıin qytaılyq AES-ter úshin qazaqstandyq otyn tabletkalaryn satyp alýdy kózdeıdi.
Pılottyq joba aıasynda Qazatomónerkásiptiń óndirýshi kásiporny «Qazatomónerkásip-SaÝran» JShS-de «Sandy kenish» júıesi iske qosyldy. Tájirıbe kórsetkendeı, ony engizý arqasynda jabdyqtardy dıagnostıkalaý ýaqyty 14-ten 2 kúnge deıin qysqardy, sondaı-aq elektr energııasyn tutyný, materıaldar men raegentterdi paıdalaný 10% azaıdy, uńǵymanyń tómendetilgen ýaqyty 3 esege kemidi. 2017 jyly bul júıeni engizý kompanııanyń basqa da enshiles kásiporyndarynda qolǵa alynady.
Aıta keterlik jáıt, óndiristiń ózindik qunyn qysqartý jónindegi keshendi is-sharalar sheńberinde 2016 jyl qorytyndysy boıynsha ekonomıkalyq tıimdilik 13 mlrd teńgeni qurady.
Sonymen birge, Qazatomónerkásip «TH Kazakatom AG» treıdıng kompanııasyn tirkeý úderisin aıaqtady. Klıentterge jaqyndyq, mámileler sharttaryn anyqtaý kezindegi satýlardyń ıkemdiligi jáne naryqtyń ózgerýine shuǵyl áreket etý kompanııanyń marketıng qyzmetin edáýir kúsheıtýge múmkindik beredi.
«Qazatomónerkásip» UAK» AQ transformasııa baǵdarlamasyna ortalyq apparatpen qatar 12 ETU tartylǵan, bul - holdıngtiń 19 myńnan astam qyzmetkeri.
