Búgin Bakýdegi Ázerbaıjan memlekettik kórkemóner akademııasynda «Beımálim Qazaqstan» jas fotograftar kórmesi ótedi. Atalǵan fotojobany Qazaqstan Respýblıkasy Tuńǵysh Prezıdenti - Elbasynyń qory Ázerbaıjandaǵy QR Elshiliginiń qoldaýymen uıymdastyrdy, dep habarlaıdy QazAqparat.
«Beımálim Qazaqstan» - Uly Dalanyń alýan túrli tabıǵaty bar, ejelgi ańyzdary bar biregeı fotokórme. О́zindik erekshe boıaýlary bar ekspozısııa halqymyzdyń tarıhy men baı mádenıetin saqtaýǵa tyrysqan. Fotojobanyń ár jumysy kelýshilerdiń tańdanysyn týǵyzyp qana qoımaı, elimizdi tereńirek tanýǵa múmkindik beredi.
Fotokórme Vengrııada, Grýzııada, Qytaı men Reseıde, Ońtústik Koreıa, AQSh jáne Fransııada qoıyldy. Endi Ázerbaıjan halqy 40-tan astam fotojumysty kórip, jas talanttardyń shyǵarmashylyǵyna baǵa berý múmkindigine ıe.
