Búgin QR Úkimetinde qazaqstandyq otbasylar úshin baspana máselesin sheshýdiń jańarǵan tetikteri qamtylǵan «Nurly Jer» baǵdarlamasy talqylandy.
Ulttyq ekonomıka mınıstri Qýandyq Bıshimbaevtyń aıtýynsha, baǵdarlama aıasynda ıpotekalyq qaryzdardy sýbsıdııalaý, qurylys kompanııalary úshin qaryz mólsherlemesiniń bir bóligin jabý jolymen jeke qurylys salýshylardy yntalandyrý, Turǵyn úı qurylys jınaq bankiniń salymshylary jáne ákimdikterde kezekte turǵan azamattar úshin nesıelik turǵyn úı qurylysynyń kólemin ulǵaıtý sharalary qoldanylatynyn aıtty. Sondaı-aq, baǵdarlama aıasynda halyqtyń áleýmettik jaǵynan osal toptary úshin satyp alý quqyǵynsyz jalǵa beriletin turǵyn úıdiń óńirlik qoryn qurý, qajetti ınfraqurylym júrgizý arqyly jeke turǵyn úı qurylysyn damytý josparlanǵan.
«Nurly Jer» baǵdarlamasyn júzege asyrýdyń nátıjesinde 1,5 mln. sharshy metr turǵyn úı salynady, onyń ishinde 2017-2019 jyldary 274 myń sharshy metr turǵyn úı salý josparlanǵan.
Endi ıpotekalyq nesıe 10 paıyzben beriledi
«Bul jerde Reseıdiń oń tájirıbesin mysalǵa keltirýge bolady. Kórshi elde ıpotekalyq kredıt úlesi aıtarlyqtaı joǵary, al ıpotekany ótemeý mólsheri 5 paıyzdan tómen. Baǵdarlamanyń aldyńǵy redaksııasynda Biryńǵaı jınaqtaýshy zeınetaqy qoryndaǵy qarajat esebinen bankterdi qorlandyrý tetikteri qarastyrylǵan bolatyn. Biraq bul tetikter Ulttyq banktiń eskertýlerinen keıin alynyp tastaldy. О́kinishke qaraı, qazirgi ýaqytta bankter jaı da ıpoteka berýge múddeli emes», — deıdi A.Raqymbaev. Onyń aıtýynsha, bankterdiń uzaq merzimge beriletin arzan aqshasy bolmaǵandyqtan, baǵdarlamada usynylyp otyrǵan sharalardy jappaı qoldanysqa engizý múmkin bolmaıdy. Al baǵdarlama tujyrymdamasynda 2017 jyldan bastap halyqqa 17 paıyzben beriletin ekinshi deńgeıdegi bankterdiń ıpotekasyn sýbsıdııalaý josparlanyp otyr. Nátıjesinde qaryz alýshy úshin syıaqy mólsherlemesi 10 paıyzdy quraıtyn bolady. Sýbsıdııalar boıynsha qarajatty tıimdi paıdalaný úshin Astana jáne Almaty qalalarynda turǵyndardy nesıelendirýdiń 15 jylǵa deıin 20 mln. teńgege deıingi, al aımaqtarda — 15 mln. teńgege deıingi shekti somasy belgilenetin bolady. Osy sharttarmen nesıe boıynsha ortasha aı saıynǵy tólem Astana jáne Almaty qalalarynda – 158 myń, aımaqtarda – 116 myń teńgeni quraıtyn bolady. Sonymen qatar jeke qurylys salýshylardy yntalandyrý úshin qoljetimdi nesıelik resýrstardy paıdalaný maqsatynda memleket bankter beretin nesıeler boıynsha paıyzdyq mólsherlemeniń bir bóligi sýbsıdııalanady.Jaldap turatyn úıler salynady
«Nurly jer» baǵdarlamasy aıasynda óńirlerde kezekte turǵan adamdar arendalyq turǵyn úılerdi satyp alý quqyǵynsyz ala alady. 15 jyldyń ishinde О́ńirlerde satyp alý quqyǵynsyz jalǵa beriletin turǵyn úı qoryn qurý úshin 2017 jyldan bastap respýblıka boıynsha jyl saıyn 25 mlrd. teńge bólý josparlanǵan. Jalǵa beriletin turǵyn úıler JAO kezeginde turǵan halyqtyń áleýmettik jaǵynan osal toptaryna arnalǵan. Olar 1-toptaǵy múgedekter, jetim balalar jáne taǵy basqa. Baǵdarlama júzege asyrylatyn 15 jyl ishinde Arendalyq turǵyn úı qory 45 myń páter nemese 2,2 mln sharshy metr baspanany quraıdy.
