Mańǵystaýda kúıshiler baıqaýy ótti

Mańǵystaý oblystyq mádenıet basqarmasy jáne oblystyq ǵylymı-ádistemelik jáne mádenı qyzmet kórsetý ortalyǵynyń uıymdastyrýymen Mańǵystaý kúıiniń atasy atanǵan kásibı dombyrashy, kúıshi, jyrshy, halyq kompozıtory Murat О́skinbaıuly atyndaǵy VII respýblıkalyq kúıshiler konkýrsy ótti. Babalar murasyn qaıta jańǵyrtý, mádenı-tarıhı qundylyqtardy saqtap, Mańǵystaý óńirine tán tókpe kúı dástúrin keńinen nasıhattaý, elimizdegi kúı ónerin, dástúrli kúılerdi oryndaýshylardyń jańa esimderin anyqtap, Murat О́skinbaıulynyń óner álemindegi ózindik naqyshty órnegin tanytý, respýblıka aýmaǵynda kúıshilerdiń kásibı deńgeıin, sheberligin jetildirý maqsatyndaǵy konkýrsqa respýblıkamyzdyń 8 oblysynan - Batys Qazaqstan oblysynan 2, Ońtústik  Qazaqstan oblysynan 1,  Qyzylorda oblysynan  3,  Atyraý  oblysynan  4, Aqtóbe  oblysynan  1,  Mańǵystaý oblysynan 6 kúıshi, sonymen qatar Astana qalasynan 9, Almaty qalasynan 11, barlyǵy 37 kúıshi qatysty. QR eńbegi sińgen ártisi, Qurmet ordeniniń ıegeri, Qurmanǵazy atyndaǵy ulttyq konservatorııanyń qurmetti professory, Abyl Taraquly atyndaǵy ult-aspaptar orkestriniń dombyrashylar tobynyń konsertmeısteri Roza Aıdarbaeva, QR eńbegi sińgen mádenıet qyzmetkeri, Qurmanǵazy atyndaǵy Ulttyq konservatorııanyń qurmetti professory, Qurmet  ordeniniń ıegeri, kúıshi Serjan Shakrat, QR eńbegi sińgen qaıratkeri, Qurmanǵazy atyndaǵy Ulttyq konservatorııanyń professory, halyq mýzykasy fakýltetiniń dekany K.Saharbaeva syndy óner sańlaqtary qazylyq etken saıysta Bas júldeni almatylyq Tańat Sádenov ıelendi. Gúlaıym ShYNTEMIRQYZY, «Egemen Qazaqstan». Mańǵystaý oblysy