«Táýelsiz Qazaqstan» poıyzy

aryndy Aqsýdan asyp, aıdyndy Alakólge jetti Aqsý jurty asyǵa kútken «Táýelsiz Qazaqstan» poıyzy Mataı temir jol beketine 9 jeltoqsan kúni jetken edi. Aıadaı aýyldaǵy tirshiliktiń bir kózi, nári bolyp sanalatyn shoıyn jolǵa eldiń úmit artatyn jóni bar. Sebebi, Elbasynyń uıǵarymymen uıymdastyrylyp otyrǵan respýblıkalyq aksııa balalar úshin merekege aınalyp, al qart adamdar syrqatyn emdetip, kóńilderin sergitip, el bolashaǵyna degen senimderin bekite tústi. 1 myńǵa jýyq jurt jınalǵan perronda saltanatty jıyn uıym­dastyryldy. Beket basyndaǵy «Táýelsiz Qazaqstan» poıyzy respýb­lı­k­alyq aksııasynyń dele­gattaryn qarsy alýshylar atynan Aqsý aýdany ákimi­niń orynbasary Sábıt Qorǵan­baev quttyqtap, áleýmettik-ekonomı­ka­­­­l­yq jetistikterdi tilge tıek ete ultara­lyq tatýlyq, qoǵamdaǵy túsinistik basty qundylyqtarymyzdyń biri bolyp tabylatynyn basa aıtty. Mataı aýylynyń turǵyny, zeınetker, Aqsý aýdanynyń qurmetti azamaty Aımuhan Beısenbekov bul aksııanyń qoǵamnyń qozǵaýshy kúshiniń biri bolyp tabylatyn túrli etnos ókilderin izgi maqsattar jolynda biriktirýshi faktor retindegi mańyzyna toqtalsa, respýblıkalyq aksııa jetekshisi Ámirjan Álpeıisov: – О́tinish tilekter eskerýsiz qal­maıdy. «Táýelsiz Qazaqstan» poıyzy respýblıkalyq aksııasy aıasynda tur­ǵyndardyń ótinish-tilekteri muqııat tyńdalyp, máselelerdi sheshý joldary jan-jaqty qarastyrylady, – dedi. Mataı temir jol beketindegi bir erek­shelik – Túrkistan – Sibir temir jolynyń ashylýyna 80 jyl tolýy­na baılanysty osynda ornatylǵan eskertkishke gúl shoqtary qoıyldy. О́z kezeginde Almaty oblystyq Qazaqstan halqy Assambleıasynyń hatshylyq meńgerýshisi Ǵabıt Tursynbaı, ob­lystyq Qoǵamdyq kelisim keńesiniń tóraǵa­sy Oralbek Jaqııanov bastaǵan top ar­naıy uıymdastyrylǵan kitap kórme­sin tamashalap, turǵyndardy áleýmet­tik máseleler boıynsha qabylda­dy. Mataı aýyldyq emhanasynda 335 adam, olardyń arasynda 38 bala bar, dárigerlik keńes aldy. «Táýelsiz Qazaqstan» poıyzy» respýblıkalyq aksııasynyń qura­myndaǵy mamandardyń bir toby Mataı orta mektebiniń jumysy­men tanysty. Qoǵamdyq kelisim keńesiniń qabyldaýymen qatar, mamandar quqyqtyq kómek kórsetý jáne áleýmettik máselelerler – eńbek jáne kóshi-qon salasy boıynsha konsýltatıvtik keńester berdi. Zeınetaqy júıesindegi ózgerister týraly, múge­dekterge, kóp balaly, jalǵyz basty ana­larǵa tólenetin jár­demaqy, zeınetaqy, kásipkerlik jáne aýyl sharýashylyǵy máseleleri boıynsha da kókeılerindegi saýal­daryna halyq tushymdy jaýap alyp, birqatar máselelerin sheshti. * * * «Táýelsiz Qazaqstan» poıy­zy 10 jel­­­toq­sanda Alakólge de entikpeı jet­­­ti. Bir atap óter jaıt – osy­naý res­­pýb­­­lı­­ka­lyq aksııa quramyn­daǵy kási­­bı ma­man­dar jańa beketke jet­ken­­de ser­­pi­lip, tyń kúshpen halyq­qa ete­ne ara­lasyp ketetindigi boldy. Sonymen, Dostyq beketinde de el kóńilinen shyqqan kezdesýler uıym­­dastyrylyp, qalyń kópshilik dári­gerlerge qaraldy. Kelesi bir topqa túr­li baǵyttarda keńester berildi. Qara­paıym halyqqa keregi de qandaı da bir máselesiniń túıinin sheship, syr­qatyna shıpa taýyp, jaqsy sóz estip, durys aqyl-keńes alý ǵoı. Bul rette, respýblıkalyq aksııa quramyndaǵy mamandar kásibı sheberlikterin kórsete bildi. – Búgingi «Táýelsiz Qazaqstan» po­ıyzy respýblıkalyq aksııasy qura­myndaǵy mamandar aýdanymyzda densaýlyq saqtaý salasy, úsh tuǵyrly til, bala asyrap alý, 12 jyldyq bilim, Ulttyq biryńǵaı testileýdegi ózgerister, aýyl sharýashylyǵy, óz kásibin ashý, kásipkerlikke nesıe alý joldary­men qatar, áleýmettik máseleler – zeınetke shyǵý, kóp balaly jáne tolyq emes otbasylaryna járdemaqy alý, quqyq qorǵaý máseleleri men memlekettik qyzmet kórsetý boıynsha jalpy 2157 adamdy qabyldady. Atqarylǵan ju­mys nátıjesi kútkendegiden de asyp tústi, – dedi Alakól aýdany ákiminiń oryn­basary Almas Abdınov bastaǵan el poıyzdy shyǵaryp salyp turyp.  Nurbol Áldibaev, «Egemen Qazaqstan» Almaty oblysy