Tirek mektebiniń tıimdi tájirıbesi

«Elimizdiń erteńi búgingi jas urpaqtyń qolynda, al jas urpaqtyń taǵdyry ustazdyń qolynda», – deıdi Elbasy. Jastardy búgingi qoǵamǵa laıyq, jan-jaqty damyǵan azamat etip tárbıeleý jolynda Maqtaaral aýdany, Asyqata kenti «Jeńis» mektep-gımnazııa» mektebinde jumystar durys jolǵa qoıylǵan. Bilim uıasynda 96 joǵary bilimdi ustazdar eńbek etip keledi. Onyń ishinde 45-si joǵary sanatty, 25-si birinshi sanatty, 12-si ekinshi sanatty muǵalimder. Jańa tehnologııalyq qural­darmen jabdyqtalǵan mýltımedııalyq kabınet, ınformatıka, fızıka, hımııa, bıologııa, matematıka, aǵylshyn tili kabınetterinde ınteraktıvti taqtalar ornatylyp, kompıýterler ınternet jelisine qosylǵan, elektrondy poshta, mektep saıty úzdiksiz jumys isteıdi. Mektepte aqparattyq-kommýnıkasııalyq tehnologııalardy paıdalaný, oqýshylardyń bilim sapasyn arttyrý, shyǵarmashylyqqa baýlý maqsatynda júıeli túrde oqytý men oqýda jańasha ádis-tásilder qoldanylyp keledi. Muǵalimderdiń kásibı áleýetin kótermeleý maqsatynda deńgeılik baǵdarlamalar negizinde sertıfıkattalǵan muǵalimderdiń «Bastaý» qaý­ym­dastyǵy júıeli jumys atqaryp otyr. Mektep orta bilim berýdiń jańartylǵan mazmuny aıasynda ádistemelik jumystardy tıimdi júrgizý maqsatynda Maqtaaral aýdandyq bilim bóliminiń sheshimimen aýdanda jetekshi mektep sanalady. 12 seriktes mektepke kásibı qoldaý kórsetýde mektep moderatory A.Qumarbekova úzdiksiz izdenistermen nátıjeli jumystar atqaryp keledi. Muǵalimderdiń iskerlik sheberligi men kásibı áleýetiniń joǵary baǵalanýynan tarıh, dintaný negizderi, matematıka, orys tili, tehnologııa, ınformatıka pánderi boıynsha tirek mektebi sanalady. Mektep bazasynda kóptegen semınarlar, konferensııalar, kezdesýler, ashyq esik kúnderi, baıqaý-saıystar, oqýshylardyń pán olımpıadalary, taǵy da basqa kóptegen is-sharalar aýqymdy jáne ádistemelik turǵydan joǵary deńgeıde ótkiziledi. 2015 jyly mektep Maqtaaral aýdandyq bilim bóliminiń usynysymen oblys ákiminiń «Eń úzdik bilim berý uıymy» granty baıqaýyna qatysty. Eki jyl qatarynan aýdandyq bilim bóliminiń mekteparalyq dıagnostıkalyq reıtınginiń nátıjesinde mektep II orynǵa ıe bolyp keledi. Ońtústik Qazaqstan oblystyq bilim salasyndaǵy baqylaý departamentiniń memlekettik attes­tattaý komıssııasy mekteptiń jumysyn zerdelep, oqýshylardyń bilim sapasyn tekserý negizinde bilim berý uıymy attestattaldy. UBT qorytyndysy boıynsha 94,3 baldy kórsetip, aýdan mektepteriniń arasynda 5-orynǵa shyqty. Muǵalimniń úzdiksiz kásibı bilik­tiligin kótermeleý – eń joǵary marapat. Mektep muǵalimderi barlyq salada uıymdastyrylyp otyratyn baıqaý, saıys, festıvaldardyń belsendi qatysýshylary bolyp tabylady. «Úlgi kórsetý» strategııasy utymdy da tabysty júzege asyrylýda. Oqýshylardyń qazaq ádebıetine degen qy­zyǵýshylyǵy óte joǵary. Árbir óleńdi naqyshyna keltirip, obrazǵa ene otyryp, mánerlep oryn­­daý sheberligi basym. Olaı deıtinimiz, res­pýblıkalyq, oblystyq Abaı oqýlary, Mahambet oqýlary, B.Momyshuly oqýlary, T.Aıbergenov oqýlary, I.Jansúgirov oqýlary, Oralhan Bókeı oqýlarynda Á.Isakov, N.Tólegen, U.Orman, Á.Qanaıbek, D.Satylhan, B.Ázimhan, D.Matjan, S.Joldasbaı syndy oqýshylar daralanyp, mektep abyroıyn asqaqtatyp keledi. Birneshe jyldan beri mekteptiń mýzyka pániniń muǵalimderi M.Baımýrzın men K.Baımýrzınanyń jetekshilik etýimen «Káýsar» bı toby qurylyp, oblystyq, respýblıkalyq kórkemónerpazdar baıqaýynyń júldegerleri atanyp júr. Sport salasynda da jetistikteri kóptep sanalatyn mektepte oqýshylar arasynda 4 sport sheberi bar. Kúresten, voleıboldan, ústel tennısinen respýblıkalyq chempıonattardyń júldegerleri de jeterlik. Oqýshylardyń bilim sapasyn arttyrý jáne rýhanı tárbıe berý maqsatynda áli de qyrýar jumystar josparlap otyrǵan mektep ujymy Qazaqstannyń irgesi bútin, erteńi nurly bolýy úshin eńbek ete beredi. Gúljan ÝBAIDINA, «Jeńis» mektep-gımnazııa» mektebiniń dırektory Ońtústik Qazaqstan oblysy, Maqtaaral aýdany, Asyqata kenti