Kazaqstan men Koreıa ǵalymdary jylqy ósirý tájirıbesimen bólisedi

Qazaq ǵalymdary koreı áriptesterimen jylqy ósirý tájirıbesimen bólisedi, dep habarlaıdy Habar24. Koreıa ǵylymı ınstıtýttary Soltústik, Batys jáne Shyǵys Qazaqstandaǵy qolaısyz aýa raıy jaǵdaıynda soıa ósirýdiń qyr-syryn ashyp bermek. Iri qazaqstandyq ǵylymı-zertteý ınstıtýttarynyń basshylary Koreıaǵa sapar aıasynda osyndaı kelisimge keldi. Koreıalyq Konkýk ýnıversıteti men Qazaq ulttyq agrarlyq ýnıversıteti elimizde birlesken kafedra ashýǵa kelisti. Koreılikterdi qazaqstandyq jylqy ósirý tájirıbesi qyzyqtyrady. "Osy Konkýk ýnıversıtetiniń ǵalymdary qazir Qazaqstanǵa kelip jylqy sharýashylyǵy boıynsha birlesken jumys isteýdi kózdep otyr. Sebebi jylqy maıynan olar ártúrli kosmetıkalyq zattar alady eken. Al Koreıa – medısınalyq týrızm, kosmetıka shyǵarý jaǵynan ilgeri kele jatqan el. Sondyqtan Qazaqstannan mal sharýashylyq salasyndaǵy kóptegen shıkizatty alyp, sony qor esebinde paıdalaný kózdelip otyr," - deıdi Soltústik Qazaqstan mal jáne ósimdik sharýashylyǵy ǵylymı zertteý ınstıtýtynyń bas dırektory Áıip Ysqaqov. Koreı mamandary mal bıýasyn kóbeıtý tehnologııasynyń tapshylyǵyn alǵa tartady. "Chechjýdo aralynda shamamen 25 myń bas jylqy bar. Biraq olardy minip serýendeımiz. Jalpy, aptasyna 3-4 jylqy soıylady. Alaıda mal basyn kóbeıtý úshin tehnologııa jetispeıdi. Sondyqtan jylqy ósirýde jetistikke jetken Qazaqstannan tájirıbe alǵymyz keledi. Koreıada dándi daqyldyń 150 myń túri saqtalǵan robottyq gen banki quryldy. Sondaı ósimdiktiń biri – soıa qazir koreı elinde tapshy. Sondyqtan onyń egis alqabyn 100 myńnan 400 myńǵa ulǵaıtyp, Soltústik, Batys jáne Shyǵys Kazaqstanda ósirý kózdelip otyr," - deıdi Konkýk ýnıversıtetiniń professory Kım Sý Kı. Yntymaqtastyqtyń taǵy bir baǵyty – kadr daıarlaý. Koreıalyq ýnıversıtetterdiń birinde jergilikti soıa suryptaryn qazaqstandyq aspırant zerttep jatyr. Qazaqstanǵa oralyp, ol koreılik áriptestermen birge óziniń tájirıbesin basqalarǵa úıretip, tipti soıanyń jańa surpyn shyǵarýdy kózdep otyr.