Májilistegi birlesken otyrys

«Nur Otan» partııasynyń Parlament Májilisindegi fraksııasy janyndaǵy Áleýmettik keńes pen Parlament Májilisiniń Áleýmettik-mádenı damý komıteti birlesip, «Halyqqa arnaıy áleýmettik qyzmet kórsetý jáne áleýmettik sala qyzmetkerleriniń mártebesi týraly» degen taqyrypta otyrys ótkizdi, dep habarlady Májilistiń baspasóz qyzmeti. «Arnaıy áleýmettik qyzmetter – qıyn turmystyq jaǵdaıǵa tap bolǵan­darǵa qatysty memleket tarapynan jasalatyn erekshe mıssııa. Osy oraıda tıimdi arnaıy áleýmettik qyzmet ómirlik problemalarǵa tap bolǵan adam­darǵa barlyq áleýmettik jumysty aıqyn­daıtyn yqpal dep bilýge bolady. Bizdiń elimizdegi bul jumystyń jaǵdaıy qalaı? Iá, bizde «Arnaıy áleý­mettik qyzmetter týraly» Zań qabyl­dandy. Olardy júzege asyrýǵa baılanysty birneshe standart bekitildi. Memlekettik bıýdjetten jyl saıyn qomaqty qarjy bólinip otyr. 800-den astam memlekettik jáne memlekettik emes uıymdar, sonyń ishinde 103 úkimettik emes uıym arnaıy áleýmettik qyzmet kórsetedi. Atalǵan júıede respýblıka boıynsha 30 myńǵa jýyq adam jumys atqarady», – dedi otyrysta «Nur Otan» partııasynyń Parlament Májilisindegi fraksııasy janyndaǵy Áleýmettik keńestiń tóraǵasy Shavhat О́temisov. Áleýmettik keńeste kórsetiletin qyz­mettiń sapasy qandaı? Áleýmettik qyzmet jumysynyń júıesi qanshalyqty tıimdi uıymdastyrylǵan? Muqtaj adamdar úshin olar qoljetimdi me? Áleýmettik qyzmetkerlerdiń biliktiligi halyqaralyq standarttarǵa sáıkes pe? Olardy daıyndaý qalaı júrgizilip jatyr? Úkimettik emes sektor qyzmetiniń atalǵan saladaǵy nátıjesi qandaı? Jáne eń mańyzdysy, qıyn jaǵdaıǵa tap bolǵandarǵa kómek kórsetý úshin bólinetin mıllıardtaǵan bıýdjettik qarajat qanshalyqty tıimdi jumsalýda? –  degen suraqtarǵa jaýap izdeldi. Taqyrypqa negizgi baıandamany Den­saý­­lyq saqtaý jáne áleýmettik damý mı­nıstri­niń orynbasary Svetlana Jaqypova jasady. Ol 10 aıdyń qorytyn­dysy bo­ıynsha elimizde arnaýly áleýmet­tik qyz­metterdi 800-den astam uıymnyń kór­­set­kenin aıtty. Jyl ótken saıyn qyz­met alý­­shylardyń sany da arta túsip keledi eken. Májilis depýtaty Janat Omarbekova atalǵan taqyryp boıynsha qosymsha baıan­dama jasady. Onyń málimdeýinshe, 2015 jyly atalǵan baǵytqa memleket qazynasynan 32 mlrd teńge bólingen. Otyrys barysynda Densaýlyq saqtaý jáne áleýmettik damý, Bilim jáne ǵylym mınıstrlikteri ókilderiniń baıandamasy, depýtattar men qoǵamdyq uıymdar ókilderiniń sózderi tyńdaldy. Is-sharaǵa Parlament Májilisiniń depýtattary, Densaýlyq saqtaý jáne áleýmettik damý, Bilim jáne ǵylym, Ulttyq ekonomıka mınıstrlikteriniń basshylary, áleýmettik saladaǵy qaýymdastyqtardyń, ortalyqtardyń, qorlardyń jáne basqa da qoǵamdyq  uıymdardyń, buqaralyq aqparat quraldarynyń ókilderi qatysty. Áleýmettik keńes otyrysynyń qory­­­tyn­­dysy boıynsha usynymdar ázirlenedi.