AQSh-tyń jańa prezıdenti Donald Tramp Reseı prezıdenti Vladımır Pýtınnen jaǵymdy hat alǵany týraly aıtty, dep habarlaıdy BBC.
"Pýtınnen hat alǵanym men úshin qýanysh. Ol durys oılaıtyn adam," - dedi Tramp 15 jeltoqsandaǵy Joldaýynda.
Pýtınniń baspasóz hatshysy Dmıtrıı Peskov ta Kremldiń Aq úıge jańa jylmen quttyqtap hat jazǵanyn rastady.
Erterekte Tramp qos eldiń jarysa qarýlanýynan qoryqpaıtynyn aıtqan.
"Eki el de qarýlaryn damyta bersin. Biz báribir ozyp ketemiz," - degen edi Tramp.
Sonyń artynsha ol AQSh-tyń ıadrolyq áleýetin kóterý kerektigin aıtqan bolatyn.
Aq úıdiń baspasóz hatshylyǵy Tramptyń bul málimdemesine túsindirme bere otyryp, AQSh-tyń eshqashan da bireýdiń qarýlanýyn jaýapsyz qaldyrmaıtynyn aıtqan.
Vladımır Pýtın bul turǵyda Tramptyń málimdemesine syrttaı jaýap berdi. Keshe jýrnalısterge bergen baspasóz konferensııasy barysynda BBC jýrnalısine AQSh-tyń bul turǵyda eshqandaı da jańasha qadamǵa baryp jatpaǵanyn aıtty.
"Tramp óziniń saılaýaldy baǵdarlamasynda da ıadrolyq qarýdy kóbeıtý kerektigin aıtqan. Munda turǵan eshqandaı jańalyq joq. Baıaǵydan beri qos elde osyndaı básekelestik bar. Bul qalypty nárse", - degen edi Pýtın.
