Global kompanııasy Ýnıversıada oıyndarynyń seriktesi boldy

Almatyda 2017 jylǵy 28-shi dúnıejúzilik qysqy ýnıversıadaǵa daıyndalý jáne ótkizý jónindegi dıreksııa jáne Global qurylys kompanııasy arasynda yntymaqtastyq týraly memorandýmǵa qol qoıyldy, dep habarlaıdy atalǵan dıreksııanyń baspasóz qyzmeti. 2006 jyly qurylǵan Shańǵy jarystary jónindegi ulttyq federasııada tuńǵysh ret óziniń jeke demeýshisi paıda boldy. Ońtústik astanadaǵy eń iri qurylys kompanııalarynyń biri bolyp tabylatyn Global shańǵy jarystary boıynsha áıelder quramasyn qoldaý jóninde sheshim qabyldady. Memorandým barysynda 2017 jyly Almatyda ótetin 28-shi dúnıejúzilik qysqy ýnıversıadaǵa daıyndalý jáne ótkizý jónindegi dıreksııa dırektorynyń orynbasary Nurjan Ábilqaıyr: «Bıznestiń ózi paıda kórý úshin emes, shyn nıetpen is-sharaǵa deýmeýshilik kórsetip otyrǵany qýantady. Bizdiń sportshylarymyzǵa naqty istermen kómekteskimiz keledi degen nıetpen bizge birinshi ret kelip otyr. Sportshylarymyz barynsha jaıly ortada oıyndarǵa daıyndalyp, jaqsy óner kórsetýdi qalaıdy. Qarjylyq jaǵynan bolsyn, jigerlendirý turǵysynan bolsyn, bizdiń kórsetken qoldaýymyz olar úshin asa mańyzdy», – dedi. Global qurylys kompanııasy baqylaý keńesiniń tóraǵasy Muhıt Ázirbaev: «Biz jyljymaıtyn turǵyn úılerdi salatyn qurylys kompanııasy retinde asa mańyzdy mindetti únemi sheship otyramyz, ıaǵnı kóppáterli úılerdiń turǵyndary úshin sportty qoljetimdi etemiz. О́ıtkeni árbir sportshy óz mansabyn sol aýladan bastaıdy. Ýnıversıada sekildi aıtýly oqıǵaǵa qoldaý kórsetýge qýanyshtymyz. Sondaı-aq, biz endi-endi mansabyn bastaǵan jas sportshylarǵa tikeleı qoldaý kórsetý týraly sheshim qabyldadyq. Jańa bıiktikterdi baǵyndyrsyn dep, biz olardy qolaıly jaǵdaılarmen qamtamasyz etkimiz keledi», – dedi. Demeýshilikke bólingen qarjynyń bir bóligi qajetti sporttyq kıim-keshekti (jarysta kıetin kombınezondar, jattyǵý kıimderi), qural-saımandardy (shańǵy men bekitkishtiń eki túri) satyp alýǵa, sondaı-aq, jıyndarǵa jáne túrli jarystarǵa, sonyń ishinde respýblıkalyq jáne halyqaralyq saıystarǵa qatysý kezindegi daıyndyqqa baǵyttaldy. Qazir áıelder quramasynda 8 komanda múshesi bar, olar keshe ǵana QR-nyń shańǵy jarystary boıynsha kýbogyn laıyqty deńgeıde aıaqtady. «Shańǵy jarystary jónindegi ulttyq federasııa» QB bas hatshysy Andreı Nevzorov «Sportshylardyń oıyndarǵa daıyndyǵy qashanda orasan zor kúsh jumsaýdy qajet etedi. Sondaı-aq, buǵan aıtarlyqtaı shyǵyndar ketedi. Máselen, bir kásipqoı shańǵyshynyń saımandary shamamen 1,7 mln. teńge turady. Sózsiz, bizge memleket tarapynan kóp kómek kórsetilýde, alaıda osyndaı úlken kompanııanyń senim artyp, shynaıy nıet bildirýi biz úshin úlken qurmet. Onyń ústine sportshylardyń rýhy kóteriledi. Bizge senedi, demek jeńemiz degen sóz», – dedi. Sondaı-aq, elimizdiń eńbek sińirgen bapkeri Aleksandr Batıaıkın: «Bizdiń qyz-jigitterimiz shamamen 8 oqý-jattyǵý jıynynda bolyp qaıtty. Ulttyq komandanyń qatary jattyǵý kezinde tamasha nátıjelerdi kórsetip otyrǵan, kelesheginen mol úmit kútýge bolatyn jas sportshylarmen tolyǵýda. Álem kýbogynda biz júldeli oryndardy alyp keldik. Sportshylar Ýnıversıadaǵa daıyndalýda, eń kem degende úsh medaldi jeńýdi úmit etip otyrmyz», - dep atap ótti.