Abel Sanches úzdik jattyqtyrýshy atandy

Gennadıı Golovkınniń jattyqtyrýshysy Abel Sanches Yahoo Sports portalynyń nusqasy boıynsha úzdik bapker atandy. Bul týraly vesti.kz habarlady. Onyń úzdik shákirtteriniń biri – WBC, WBA, IBF jáne IBO belbeýleriniń ıesi qazaqstandyq boksshy. Biraq bıyl Sanchestiń ózge de boksshylary jaqsy qyrynan kórindi. Reseılik Mýrat Gassıev (24-0, 17 KO) birinshi aýyr salmaqta IBF nusqasy boıynsha álem chempıony atansa, onyń otandasy Denıs Shafıkov (38-2-1, 20 KO) jeńil salmaqta IBF belbeýine qol jetkizdi. Sonymen qatar, Konstantın Ponomarev (31-0, 13 KO) jáne Aleksa Sýsedo (23-0, 14 KO) kásipqoı bokstaǵy jeńisti joldaryn ary qaraı jalǵady. Al Endı Rýız (29-1-0, 19 KO) aýyr salmaqta tıtýldyq jekpe-jegine deıin jetti. Úzdik bapker ataǵynda Abel brıtanııalyq Karl Fremptonnyń jattyqtyrýshysy Sheın Makgıgandy basyp ozdy. Yahoo Sport buǵan deıin brıtanııalyqqa úzdik boksshy ataǵyn bergen. Aıta keteıik, WorldBoxingNet basylymy jáne boks jaıly jazatyn amerıkalyq jýrnalıster qaýymdastyǵy Sanchesti jyl jattyqtyrýshysy ataǵan.