Konkýrstyq komıssııanyń otyrysy boldy

Parlament Senatynyń depýtaty Darıǵa Nazarbaevanyń tóraıymdyǵymen Respýblıkalyq konkýrstyq komıssııanyń memlekettik 6 joǵary oqý ornynyń rektorlaryn saılaý jónindegi otyrysy boldy, dep habarlady Senattyń baspasóz qyzmeti. Olar Q.Jubanov atyndaǵy Aqtóbe óńirlik memlekettik ýnı­ver­sıteti, Qaraǵandy memleket­tik ındýstrııalyq ýnıversıteti, Sh.Esenov atyndaǵy Kaspıı mem­lekettik tehnologııa jáne ınjı­nırıng ýnıversıteti, M.Qozy­baev atyndaǵy Soltústik Qazaq­stan memlekettik ýnıversıteti, Taraz memlekettik pedagogıkalyq ınstıtýty jáne M.H.Dýlatı atyn­daǵy Taraz memlekettik ýnı­ver­sıteti. Respýblıkalyq konkýrstyq komıssııasynyń qaraýyna osy 6 joǵary oqý ornynyń baı­qaý­shylar keńesi usynǵan, konkýrsqa ótinish bergen 45 adamnyń 11-i usynyldy. Úmitkerlermen áńgimelesý jáne olardyń joǵary oqý oryn­daryn damytý jónin­degi baǵ­dar­lamalaryn talqylaý qory­tyndysy boıynsha Q.Jubanov atyndaǵy Aqtóbe óńirlik mem­le­kettik ýnıversıtetine Baýyr­jan Erdembekovti, Qaraǵan­dy memlekettik ın­dýs­trııalyq ýnıversıtetine Baqyt Jáýti­kovti, M.Qozybaev atyndaǵy Soltústik Qazaqstan memlekettik ýnı­ver­sıtetine Serik О́mir­baevty, Taraz memlekettik pedago­gıkalyq ınstıtýtyna Darııa­kúl Qojamjarovany rektor etip taǵaıyndaý usynyldy. Sh.Esenov atyndaǵy Kaspıı memlekettik tehnologııa jáne ınjınırıng ýnıversıteti men M.H.Dýlatı atyndaǵy Taraz memlekettik ýnıversıteti boıyn­sha konkýrs ótpegen bolyp sanaldy, Bilim jáne ǵylym mınıstr­ligine konkýrsty qaıta ótkizý jóninde usynys aıtyldy. Rektorlardyń saılanýy men eseptiligi qaǵıdasynyń engizilýi joǵary oqý oryndarynyń aka­demııalyq jáne basqarý derbes­tigin kezeń-kezeńmen ulǵaıtý aıa­syn­daǵy «100 naqty qadam» Ult josparynyń 78-qadamyna sáıkes keledi.