Kemel keleshekke senimdi qadam

Almatydaǵy D.A.Qonaev atyndaǵy Eýrazııalyq zań akademııasynda atalǵan oqý ornynyń «Qazaqstan halqy Assambleıasy» kafedrasynyń uıytqy bolýymen respýblıkalyq semınar ótti. Sharanyń maqsaty – Elbasy usynǵan jańa reformadaǵy ózekti máselelerdiń mańyzyna mán berý. Jıynǵa Qazaqstan halqy Assambleıasy Tóraǵasynyń orynbasary Leonıd Pıtalenko, atalǵan oqý ornynyń basshylyǵy men qyzmetkerleri, etnomádenı birlestik músheleri, sondaı-aq BAQ ókilderi qatysty. Konstıtýsııalyq reforma – el ahýalyn jaqsartýdyń dań­ǵyl jo­ly. Búgingi jıynda bas qos­qan ǵa­lymdar Parlament pen Úki­mettiń áleý­mettik-ekonomıkalyq baǵ­dar­lama­lardyń iske asýyna tikeleı jaýap­ty bolýy – olardyń qu­zy­re­tin arttyryp qana qoımaı, jaýap­­­ker­­­shiligin kúsheıtetinin aıtty. Ja­ńa engizilgen ózgerister aldaǵy ýa­­qytta memlekettiń áleý­met­tik-eko­nomıkalyq damýyna jol ashatyn berik kópir bolmaq. Zań ǵylymdarynyń doktory О́miráli Jalaırı: «Konstıtýsııaǵa zaman talabyna saı ózgerister engizý – ýaqyt talaby. Alǵa jyljý úshin osyndaı mańyzdy qadamǵa barý arqyly naqty maqsattardy aıqyndaý kerek. Sondyqtan bul bir qatyp qalǵan dúnıe emes. Qoǵamdyq qatynastardyń damyǵanyna baılanysty Konstıtýsııaǵa da óz­ge­rister men tolyqtyrýlar engizýge bolady. Sondyqtan da Elbasynyń bastamasymen Konstıtýsııaǵa ózge­rister men tolyqtyrýlar engizildi. Bir aıta keterligi, engizilgen ózgeris­ter men tolyqtyrýlar jalpy­halyq­tyq birlik pen kelisimge, azamat­tarymyzdyń jaqsy ómir súrýine negizdelgen», – dedi óziniń sózinde. «Táýelsizdik alǵan 25 jyl ishin­de Qazaqstan syrtqy jáne ishki saıa­satta kóptegen jetistikterge jetip, atyn álemge tanytty. Mem­le­ket­tik basqarýdyń bıik satysyn baǵyn­dyrdy. Bıznes pen óndiristiń jan-jaqty damýyna múmkindik jasady. Ýaqyt talabyna saı Qazaqstan hal­­qy Assambleıasy eldegi eleýli oqı­­ǵa­lardan tys qalǵan emes. Elba­­sy usynǵan jańa reformany talqylaý kezinde Qazaqstan halqy Assam­bleıa­synyń uıymdastyrýymen 400-den astam is-shara ótkizildi. Elba­sy naqtylaǵan basym baǵyttar mem­lekettik basqarýdyń tıimdiligin art­tyratyny sózsiz. Eldiń ekonomı­kalyq jáne saıası ómiriniń damyp, halqymyzdyń ál-aýqatynyń artýyna da septigin tıgizbek. Mundaı júıe – álemniń damyǵan demokratııalyq qýatty elderine tán. Bizdiń elimiz de ózin búkil álemge demokratııalyq, quqyqtyq memleket retinde tanytatyn bolady. Qabyldanǵan túpkilikti sheshim memleketimizdiń ıgiligi jolynda óz jemisin beredi dep senemiz», – dedi Leonıd Pıtalenko. Jıynǵa qatysýshy ǵalymdar engizilgen ózgerister men tolyq­tyrýlar elimizdi damytyp, kemel keleshekke degen senimimizdi nyǵaı­tatynyn atap kórsetti. Arman OKTIаBR, jýrnalıst