Úkimettik emes uıymdar baıqaýy

Keshe Azamattyq bastamalardy qoldaý or­talyǵy jarııalaǵan úkimettik emes uıymdarǵa ar­nalǵan memlekettik granttardyń ekinshi konkýrsynyń sarapshylyq komıs­sııasy otyrys ótkizdi. Komıssııa ortalyqqa 185 uıymnan kelip túsken 323 ótinimdi qara­s­tyryp, 47 granttyq taqyryp boıynsha 42 jeńimpazdy anyqtady. «Azamattyq bastamalardy qoldaý ortalyǵy» kommersııalyq emes aksıonerlik qoǵamynyń basqarma tóraǵasy Nurlan О́teshevtiń aıtýynsha, baıqaýǵa 229 uıymnan barlyǵy 386 ótinim túsipti. − Sarapshylyq komıssııa sońǵy eki aptanyń ishinde ótinimderdi muqııat qarap, olardy 10 baldyq júıe boıynsha baǵalady, – dedi N.О́teshev. Qyzyl Jarty Aı qoǵamynyń bas dırektory, sarapshylyq komıssııa múshesi Elena Kımniń aıtýynsha, óńirlerdegi úkimettik emes uıymdarǵa ótinim toltyrýda tájirıbe jetispeıdi. − Birqatar ótinimder grant taqy­ry­byna saı kelmeıdi, keıbir taqyryptar boıynsha ótinim­derdiń sany az. Sol sebepti, sarapshylyq komıssııa birqatar taqyryp boıynsha konkýrsty qaıta jarııalaý týraly sheshim qabyldady, – dedi E.Kım. Komıssııa tarapynan eń joǵary upaılarǵa qol jetkizgen úkimettik emes uıymdar kelesi kezeńde «Azamattyq bastamalardy qoldaý ortalyǵy» kommersııalyq emes aksıonerlik qoǵamynyń granttyq qarjylandyrý salasyndaǵy ortaq operatorymen arada kelisimshart jasasatyn bolady. Ekinshi konkýrs jeńimpazdarynyń tizimi Ortalyqtyń resmı saıtynda jarııalanǵan. Arnur ASQAR, «Egemen Qazaqstan»