Nobel ıegeri Qazaqstanda eko-qala salýdy usyndy

Astanada ótip jatqan ınnovasııalyq kongreste Nobel syılyǵynyń ıegeri Rae Kvon Chýng Abý-Dabıdiń Masdar qalasyna ınvestısııa quıyp jatqanyn aıtyp, sol úlgimen Qazaqstanda jańa eko-qala salýdy usyndy. "Sizderge Masdar qalasynyń úlgisin usynamyn. Sol sekildi Ortalyq Azııada jańa qalanyń jobasyn jasap, sony salýǵa bolady", dedi sheteldik qonaq. Sonymen qatar ol Qazaqstan óziniń klımattyq erekshelikterin eskere otyryp jańa sheshimder taba alatynyna senimdiligin jetkizdi. Elektr avtobýstaryn, kún panelderin eksportqa shyǵaratyn Qytaıdy mysalǵa keltire otyryp Rae Kvon Chýng Monrealdyń jolyn aıtty: "Monrealda qys óte qatty. Biraq olarda jerdiń astynda ornalasqan saýda ortalyqtary bar. Sol sekildi basqa jobalar da qarastyryp kórýge bolady. Negizi Úkimet úsh E, ıaǵnı, energııa, ekonomıka, ekologııa paradıgmasyn qoldanǵany jón", - dedi ol.