Semeıde biraz úılerdi sý basý qaýpi bar

Semeı turǵyndaryna evakýasııaǵa daıyn bolý kerektigi eskertildi. Ertistegi sý deńgeıiniń kóterilýine baılanysty onda sý basý qaýpi bar, - dep habarlaıdy Tengrinews.kz Qazir ózendegi sý syrtqa shyǵyp ketti, endi onyń úılerdi basyp ketý qaýpi bar. Búgin Tótenshe jaǵdaılar basqarmasynyń mamandary turǵyndarǵa sý basý qaýpi bar ekenin eskertip, qaýipti eldi mekenderdi aralap, adamdardy evakýasııaǵa daıyndap jatyr. "Búgin Ertis ózenindegi sý deńgeıiniń kóterilýine baılanysty eldi mekenderi sý basýy múmkin. Onyń ishinde Ábdýáli kóshesi, Ábdýáli qıylysy, Jibek joly, Aqjol jáne Ertis mańyndaǵy basqa da kósheler bar. Osy kósheniń turǵyndary evakýasııaǵa daıyn bolýy kerek. Olarǵa qujattaryn, aqshalaryn jáne basqa da qundy zattaryn daıyndap qoıýlaryna keńes beremiz", - dep habarlady mamandar. Sonymen qatar, Tótenshe jaǵdaılar basqarmasynyń mamandary qazirgi ýaqytta ózendegi sýdyń 412 santımetrge jetkenin aıtty. Eske salaıyq, bul osymen Semeıde osy jyly ekinshi ret bolyp turǵan jaǵdaı. Sý deńgeıiniń birden kóterilýi qańtar aıynda bolǵan edi. Onda da turǵyndarǵa 30 gradýs aıazda evakýasııa bolýy múmkin ekeni eskertilgen bolatyn.