Reseıdiń Memlekettik kitaphanasynda Shyǵys ádebıetteri ortalyǵy ashyldy. Endi Máskeý jurty qazaq halqynyń tarıhymen, ádebıetimen, salt-dástúrlerimen jaqynyraq tanysa alady, – deıdi elordadaǵy Ulttyq akademııalyq kitaphananyń baspasóz qyzmetiniń ókili Zýhra Bajenova.
Atalǵan ortalyq Reseı Federasııasyndaǵy Qazaqstan Respýblıkasy Elshiliginiń qoldaýymen, eki eldiń kitaphanalarynyń uıymdastyrýymen ashylyp otyr. Reseıdiń bas kitaphanasynda atqarylǵan bul ıgi shara el táýelsizdiginiń 25 jyldyǵyna arnaldy. Sondaı-aq, atalmysh shara osy jyldar ishinde eki el arasyndaǵy rýhanı, mádenı baılanystardyń damýyn da kórsetti.
Atap óteıik, Máskeý kitaphanasyndaǵy jıyn barysynda Ulttyq akademııalyq kitaphananyń prezıdenti Úmithan Muńalbaevanyń «Kitaphana pedagogıkasy» kitabynyń tusaýy kesildi.
