Táýelsizdik deklarasııasy – taǵylym alar tarıhymyz

Josparly damýdyń máýeli jemisi Men ǵylymı ıntellı­gensııanyń ókili retinde Qazaqstan Respýblıkasy Táýelsizdiginiń 25 jyl­dyǵyna arnalǵan Dek­la­ra­sııany zor yntamen zerdeledim. Ony Qazaq­stannyń jańa damý jolyn salǵan iri saıasatker Elbasy Nursultan Nazarbaev­tyń sarabdal saıasatynyń arqa­synda beıbit ómir men damýdyń baqytty kún­derin keship otyrǵan mıl­lıondaǵan qazaqstandyqtyń ómiri men olar úshin dáýirlik oqıǵa bolyp sanalatyn Táýelsizdik oqıǵasyn baıan etetin erekshe qujat dep tanydym. Bizdiń jalpyulttyq ıdeıamyz – «Máńgilik El», maqsatymyz – álemdegi básekege qabiletti, damyǵan 30 eldiń qatarynan oryn alý bolmaq. Qazaqstan Respýblıkasy Táýel­sizdiginiń 25 jyldyǵyna arnalǵan Deklarasııamen tanysqan ár qazaq­stan­dyq biz erekshe tarıhı dáýirde ómir súrip otyrǵanymyzdy sezinedi. Tarıh úshin kózdi ashyp-jumǵandaı az ýaqyttyń ishinde elimizde keremet oń ózgerister boldy, dúnıe júzi qurmetpen qaraıtyn, yrǵaqty damyp otyrǵan memleketke aınaldyq. Bul tabystardyń túp negizinde Qazaqstannyń jańa mem­lekettigin qurýshy Elbasy Nursultan Nazarbaevtyń ınnovasııalyq jáne progressıvtik bastamalary, mega­jobalary jatyr. Mysaly, Nursultan Ábishulynyń ıadrolyq qarýlanýǵa qarsy bastamalary, EQYU-ǵa tóraǵalyq etýi, Qazaqstan halqy Assambleıasy, Eýra­zııalyq ekonomıkalyq odaq, Dúnıe­júzilik saýda uıymyna kirýimiz, halyqaralyq EKSPO-2017 kórmesi, Astana ekonomıkalyq forýmy, G-global – osynyń barlyǵy da dúnıejúzilik deńgeıdegi saıasatkerdiń týyndysy, mańdaı teri dep aıtýǵa bolady. Elbasynyń halyqaralyq deńgeıdegi osy jumystarymen eldiń ishki ekono­mıkalyq damýy zerli jipteı baı­lanysty. Eldiń ekonomıkasyn údemeli ındýstrııalandyrý jónin­degi keshen­di sharalar men áleýmettik jańǵyrtý jumystary óziniń nátıjesin berip te úlgerdi, ol búgingi turmysymyzdan bilinedi. Men búkil elimizdi aıtpaı-aq qoıaıyn, bir Qostanaıdyń ózinde qanshama áleýmettik nysandar ómir­ge keldi, qanshama qostanaılyqtar jumys ornyn tapty? Jer­lesterimniń turmysy jaq­sarǵanynyń kýásimin. Elbasy Nursultan Nazarbaev stýdent-jas­tar­men jáne ǵylymı-peda­gogıkalyq zııaly qaýym­­men kezdeskende biz­diń aldymyzda álemdegi moıyny ozyq 30 eldiń qatarynan oryn alýymyz qajet degen irgeli maq­satymyzdy aıtyp oty­rady. Ol elimizde úshinshi ındýstrııalyq revolıýsııa jasaýǵa daıyndyqty mejeleıdi. Damyǵan elimiz jalpy moıyndalǵan halyqara­lyq demokratııalyq standarttarǵa saı jańa saıası-quqyqtyq júıe de qalyptastyrdy. Eń bastysy, Qazaqstannyń jet­ken tabystary men jetistikteri bir mezgildik nemese kezdeısoqtyq emes, ol Deklarasııada júıeli jáne josparly damýymyzdyń zańdy nátıjesi ekeni ataldy. «Qazaqstan-2030», «Qazaqstan -2050», «Bes ınstıtýttyq reforma» jáne olardy júzege asyrýdyń 100 naqty qadamy – munyń barlyǵyn da eldi ekonomıkalyq-áleýmettik tur­ǵy­dan jańǵyrtyp, álemdegi damyǵan 30 eldiń qataryna engizý jolyndaǵy evolıý­sııalyq alǵa jyljýdyń, «Máń­gilik El» ıdeıasy tóńiregine toptasqan ulttyń bereke-birligin asyrýdyń kórinisteri deý oryndy. Uly órkenıet pen halyqtar qalyptasýynyń, damýynyń jáne gúldenýiniń álemdik tájirıbesi kórsetkendeı, tek bereke-birlik, ultara­lyq tatýlyq pen dinaralyq keli­sim ǵana damýdyń qozǵaýshy kúshi, qalyp­tastyrýshy faktory bolyp taby­lady. Tek yntymaq bar jerde adal eńbek, Otanǵa degen patrıotızm oryn alady. Osy tarıhı kezeńde Elba­sy­nyń tóńiregine toptasyp, onyń bas­shylyǵymen ınnovasııalyq refor­malar­dy júzege asyrǵanda elimiz progressıvti damý jolynan aınymasyna kepilmiz. Álimjan BEKMAǴAMBETOV, Chelıabi memlekettik ýnıversıtetiniń Qostanaı fılıaly dırektorynyń orynbasary, zań ǵylymdarynyń kandıdaty QOSTANAI

El jylnamasyna endi

Táýelsizdiktiń mereıli merekesi qarsańynda Parlamenttiń qos palatasy oryndy sheshim qabyl­dady. Bul – Táýelsizdiktiń 25 jyldyǵyna arnalǵan Deklarasııa. Onda elimizdiń shırek ǵasyrdaǵy tolaıym tabystary da, abyroıy men bedelin asqaqtatqan reformalar jemisi naqty kórinis tapty. Shynynda da, Qazaqstan – ekonomıkasy qarqyndy órkendegen qýatty el. Qazaqstanmen ekonomıkalyq, iskerlik baılanysqa ulasqan áriptestikti ornyqtyrýǵa yqylasty elder qatary kóbeıe tústi. Bul – elimizdiń básekege qabiletti elge aınalǵanynyń kýási. Elimizde iske asyrylyp jatqan ınnovasııalyq jobalar aıasynda joǵary sapaly otandyq ónimder óndiretin jańa kásiporyndar iske qosylyp jatyr. «Teńiz» ben «Qashaǵandaı» álemdegi kómirsýtekti shıkizaty orasan iri kenishterdi sátti ıgere aldyq. El naryǵyn sapaly janarmaı túrlerimen qamtıtyn Atyraý munaı óńdeý zaýytyndaı baıyrǵy kásiporyn qaıta jańǵyrtyldy. Qara teńiz jaǵalaýyna tikeleı munaı tasymaldaıtyn jańa qubyr júrgizildi. Sonymen birge, bizdiń elimiz az jylda álemdegi eń sulý, eń ásem arhıtektýramen áspettelgen Astana bárimizdiń maqtanyshymyzǵa aınaldy. Uly Dala tósinde osyndaı ulan-ǵaıyr isterdiń Tuńǵysh Prezıdentimiz Nursultan Nazarbaevtyń ıdeıasymen atqarylǵany daý týdyrmaıdy. Elbasynyń el múddesi úshin, kóp ultty Qazaqstan halqynyń baqýatty turmysy úshin sińirgen eńbegi de erekshe. Sheteldiń tanymal kompanııalaryn ulttyq ekonomıkaǵa ınvestısııa salýǵa ılandyryp, órkenıetti elderdegi ozyq tehnologııalardy engizýiniń nátıjesinde, Qazaqstanymyz ekonomıkasy da, óndirisi de jańarǵan memleketke aınaldy. Uly Dalamyzǵa jarty ǵasyrǵa jýyq ýly zapyranyn tókken Semeı ıadrolyq polıgony jabyldy. Elimizdiń ár óńirinde álemde balamasy tabyla qoımaıtyn jańa ónimder shyǵarý qolǵa alyndy. Ekonomıkanyń ár salasynda órkendeý bar. Elordaǵa alys-jaqyn elderden, Qazaqstannyń ár óńirinen kelýshiler Saryarqa tórindegi Astananyń sáýleti men kelbetine súısine qaraıtyny da daýsyz. Qazaqstannan ózge birde-bir memleket az jylda dál osyndaı jańa qala turǵyzǵan emes. Demek, Astanadaı ári ásem, ári sáýletti qala turǵyzýǵa Qazaqstannyń ǵana áleýeti jetti. Tuńǵysh Prezıdentimiz Nursultan Nazarbaev qana táýekelge bara aldy. «Kóz – qorqaq, qol – batyr» deıdi ǵoı halqymyz. Shırek ǵasyrda Qazaqstandy ekonomıkasy qýatty, qadamy qaryshty, birligi men yntymaǵy jarasqan elge aınaldyrý da, Astana sekildi jaýhar qala qurylysyn júrgizý de sonshalyqty ońaı emes. Desek te, Elbasymyzdyń batyl qadamǵa barýy úlken erlik, bul – júregi Qazaqstan dep soqqan otanshyl urpaqtyń rýhyn kóterýdiń jarqyn mysaly. Osynaý qıyn qadam elin-jerin shyn súıgen, halqyn shyn júregimen qurmetteıtin kóshbasshynyń qolynan ǵana keletinine kózimiz jetti. Elbasy eline emirene, adal eńbek etýdiń úlgisin osylaı kórsetti. Qazaqstannyń, Astananyń erekshe qarqynmen damýyn ekonomıkasy órkendegen ózge de órkenıetti elder úlgi-ónege etetin boldy. Bar álemniń elderi Qazaqstannyń keremet tabystary men eńsergen bıikterine, asqaq elordamyzdyń kelbetti sáýletine yntyzarlyqpen qyzyǵady. Jaýhar elordamyz – Astananyń, qýatty Otanymyz – Qazaqstannyń mereıi – qazaqtyń mereıi, álemdik kóshbasshy saıasatker deńgeıine kóterilgen Tuńǵysh Prezıdentimiz Nursultan Nazarbaevtyń mereıi ekeni Deklarasııa arqyly el tarıhynyń shejiresine endi. Ǵabıdolla JAQSY, «Matın Petroleým» AQ bas dırektorynyń orynbasary Atyraý oblysy  

Búgingini baǵalaý úshin ótkendi tarazylaı bilý kerek

Parlament palatalarynyń birlesken otyrysynda Táýel­siz­digimizdiń 25 jyldyǵy­na arnalǵan Deklarasııa qa­byl­danǵany barsha qazaq­stan­dyqtardyń kóńilinen shyqty dep senimmen aıta alamyz. О́ıtkeni, búgingini baǵalaý úshin ótkendi tarazylaı bilý kerek. Táýelsizdik aldyq, ata-baba armany oryndalyp, azat el bol­­dyq dep qoltyǵymyzǵa qanat bitkendeı jelpinip júr­dik. Biraq, ótken ǵasyrdyń 90-jyldarynyń ortasynda issapar­men shetelge shyǵa qalsaq, qaı memleketten kelgenimizdi túsindire almaı pushaıman bolyp júretinimiz esten shyǵa qoıǵan joq. Qazaqstan degen eldi múldem estip kór­me­gender kóp edi. Bireýler Pákistan, Aýǵan­stan memleketterimen shatastyryp jatatyn. Reseıdiń bir provınsııasy ma dep suraıtyndar da tabylatyn. Árıne, kóńilińe qatty keledi. Búginde Qazaqstan deseń, áńgimelesýshiniń kózi jarq ete qalady. «O, o, Qazaqstan. Nazarbaev», deıdi elińdi, Elbasyńdy jaqsy biletindigin ańǵartyp. Mereılenip qalasyń. Táýelsizdik Deklarasııasy – bizdiń búginimiz ben erteńimiz, keleshegimiz. Osy shırek ǵasyrda biz Memleket basshysy Nursultan Ábishuly Nazarbaevtyń bastamasymen úlken tabystarǵa jettik. Álem moıyndaǵan, kerek jaǵdaıda aqyl salatyn, sanasatyn memleketke aınaldyq. Deklarasııa mátininde Táýelsizdiktiń 25 jyldyq mereıtoıy – óz tarıhynda tuńǵysh ret zamanaýı memleket qurǵan Qazaqstan halqynyń aýqymdy tarıhı jetistikteriniń jarqyn kórinisi delingen. Qazaqstan úshin Táýelsizdiktiń 25 jyly ilgerileý men ornyq­ty damýdyń kezeńi boldy. Táýel­siz Qazaqstan óziniń jańa ta­rıhymen tabysty memleket jáne búkil Ortalyq Azııa óńiriniń kóshbasshysy ataný­ǵa quqyǵy bar ekendigin dáleldedi. О́z Táýelsizdiginiń 25 jylynda Qazaqstan ekonomıkasy qarqyndy damyǵan, tabysqa jetýdiń biregeı tájirıbesi bar saıası turaqty memleket retinde qalyptasty. Biz­diń eli­mizde ekonomıkalyq, saıası jáne áleýmet­tik salalarda asa iri ózgerister júzege asty. Táýelsiz Qazaqstannyń barlyq jetistik­teri men jeńisteri Qazaqstan Respýblıka­synyń Tuńǵysh Prezıdenti – Elbasy Nursultan Nazarbaevtyń tegeýrin­di jáne dana basshylyǵymen árbir qazaq­standyqtyń tabandy da tynymsyz eńbeginiń arqasynda múmkin boldy. Elimiz «Qazaqstan-2050» Strategııasyn dáıekti túrde júzege asyra otyryp, álemniń ozyq 30 eliniń qataryna qosylýǵa qaryshty qadam basýda. Memleket basshysynyń ba­ıypty jáne jemisti halyqaralyq bastamalarymen elimiz bıik halyqaralyq bedelge ıe bolyp, ǵalamdyq ıadrolyq qarýsyzdaný qozǵalysynyń tanymal kóshbasshysyna aınaldy... ...Táýelsizdik tarıhy osylaı óriledi. Sháripbek JAMALBEKOV, «Ońtústik Qazaqstan oblystyq Azamattyq alıansy» qaýymdastyǵynyń tóraǵasy ShYMKENT

Bul – tuǵyrly tujyrymdamamyz

Parlament palatalarynyń birlesken otyrysynda qabyldanǵan Qazaq­stan Respýblıkasy Táýelsizdiginiń 25 jyl­dyǵyna arnalǵan Deklarasııamen tanys­qanda, bizdiń osy jyldarda qansha­lyq­ty ilgeri ketkenimizge taǵy bir kózim jetti. Osy kezeńde Elbasy N.Nazarbaevtyń el tizginin nyq ustaýynyń nátıjesinde kóp jetis­tikterge jettik. Naryqtyq eko­no­­mıkaǵa tóselip, shaǵyn jáne orta bıznestiń damýy­na sara jol ashyldy. Qazir ekonomıkalyq órken­deý­diń qozǵaýshy kúshi bolyp tabylatyn turaqty naryq­tyq ekonomıkasy bar elge aınaldyq. Bul bizdiń turmy­sy­myz­dan aıqyn kórinis berýde. Keńestik kezeńde múm­kin bolmaǵan kógildir otyn alys aýyldarǵa da baryp jetti. Qundy qujatta Qazaqstannyń halyq­aralyq dáre­jedegi qadamdary da aıtarlyqtaı ekeni aıqyn kóri­nis tapqan eken. Bizdiń elimiz EAEO, ShYU, AО́SShK sekildi ıntegrasııalyq jobalardyń bastamashysy jáne ilgeriletýshisi bolyp tabylady. Qazaqstan Ortalyq Azııa elderiniń arasynda alǵashqy bolyp 2017-2018 jyldarǵa BUU Qaýipsizdik Keńesiniń turaqty emes múshesi bolyp tabylady. Deklarasııada Prezıdenttiń elordany qurýdaǵy róli de baıandalǵan. Tarıhı taǵylymdyq jáne tanymdyq baǵyt­tary aıqyn qujatta táýelsizdiktiń arqasynda qol jetken tabystardyń Elbasy saıasatymen sabaqtastyrylýy da zańdy. Eko­no­mıkalyq qýatymyzdyń qansha­lyqty artqany da, turmysy­myzdyń jaqsarǵany da naqty derektermen dáıektelgen. Táýelsizdik jyldarynda memleket bıýdjeti 1100 esege, ishki jalpy ónim 1500 esege artqan. Bul kórsetkish qaı-qaısysymyzdy da qýantary sózsiz. Qazaqstandyqtardyń ómir jasy osy kezeńde on jylǵa artsa, bala týý kórsetkishi 60 paıyzǵa ósken. Deklarasııada «Qazaqstan konfes­sııaaralyq jáne etnosaralyq tatýlyq pen kelisim ústemdik qurǵan memleket damýynyń búkil álemde tanylǵan jańa biregeı modelin qurdy. Memleket basshysy Qazaqstan halqy birligin nyǵaıtýdyń konstıtýsııalyq mártebesi bar aıryqsha ınstıtýty – Qazaqstan halqy Assambleıa­syn qurdy» dep atap ótilgen. Biz bul qoǵamdyq ınstıtýttyń kóp ultty Qazaqstandaǵy tatýlyq pen birlikti nyǵaıtýdaǵy yqpalyn sezinip júrmiz. Táýelsizdik Deklarasııasy keleshegimizdiń kemel­diligine qyzmet etetin qundy qujat ekenine kámil senimdimin. Biz qazirdiń ózinde 50 eldiń qataryndamyz, alda damyǵan 30 eldiń qataryna ený kózdelýde. Mundaı tabysty joldyń bastaýynda Elbasy Nazarbaev turǵanyn barsha qazaqstandyq biledi. Bul da Deklarasııada aıqyn kórinis tapqan. Biz álemge ıadrolyq qarýsyz ómir súrý úlgisin kórset­ken el retinde tanyldyq. Deklarasııada «Qazaqstan ıadrolyq qaýipsizdik reıtınginde eń qaýipsiz elderdiń qataryna kiredi. Prezıdent N.Nazarbaev Qazaqstandy elimizdiń ulttyq múddelerine nuqsan keltirmesten ıadrolyq qarýsyz memleketke aınaldyrý jónindegi tarıhı mańyzdy mindetti sheshe bildi. 1991 jyly 29 ta­myzda Elbasy Semeı ıadrolyq polıgonyn japty. Qazaq­stan Pre­zıdenti óz eliniń ǵana emes, sondaı-aq búkil adamzattyń taǵdyry úshin ózine jaýapkershilik ala otyryp, álemdik deńgeıdegi saıasatker retinde tanyldy», dep atap ótilgen. Elbasy bul ustanymyn qazir de baıandy ete túsýde.  Ǵalymjan BAIDERBES, «Qos shynar» Álııa-Mánshúk atyndaǵy Aqtóbe qalalyq qaıyrymdylyq qory» qoǵamdyq birlestiginiń tóraǵasy AQTО́BE  

Jas urpaq – ǵalamat ózgerister kýási

Parlament pala­t­a­larynyń birlesken otyrysynda qabyl­d­anǵan «Qazaqstan Res­pýblıkasy Táýel­sizdiginiń 25 jyl­dy­ǵy»Deklarasııasynda shırek ǵasyr ishinde elimizdiń jetken jetistikterine baǵa berilip, tarıhı jeńisterimizdiń pash etilýi – tabıǵı zańdylyq. Egemendik alǵannan bergi ýaqyt tarıh úshin qas-qaǵym sát bolǵanymen, qazaqstandyqtar úshin tamasha tabystarmen qorytyndylanǵany aıdaı shyndyq. Ásirese, búgingi jas urpaq ǵalamat ózgeris­terge kýá. Men aǵa býyn ókili retinde kóp ultty hal­qymyzdyń osyndaı bıik belesterge kó­terilýin Tuńǵysh Prezıdentimiz Nursultan Nazarbaevtyń esimimen tyǵyz baılanystyrar edim. О́tpeli kezeńniń qıyn ýaqyttaryna qaramastan durys tańdap alǵan saıası, ekonomıkalyq dara jolymyzdyń arqasynda álem kartasynan oıyp turyp oryn aldyq. Elbasynyń tikeleı basshylyǵymen óte aýqymdy reformalar júzege asyryldy. Qazirgi kezde de odan ári qarqyndy damýymyzdyń strategııalyq is-qımyl josparlary sátti jalǵasyp keledi. Nursultan Ábishulynyń erke Esildiń jaǵasynda boı kótergen, erekshe sáýlettik landshafy bar, biregeı músindik nysandary sap túzegen, joǵary tehnologııaly bolashaqqa umtylǵan ásem elordany Táýelsizdiktiń sımvolyna aınaldyrýyna sińirgen eńbegi óte zor. «Eýrazııa júreginde» kitabynda jazylǵandaı, Astana – Qazaqstannyń jańarýynyń nyshany, onyń kóp ultty jasampaz kúsh-qýatynyń kýási. Egemen eldiń azamaty retinde memlekettik basqarý isterine aralasa júrip, Prezıdenttiń oıly sheshimderine, batyl bastamalaryna talaı ret kýá bolǵanmyn. Jalpy, jańa astanany kóshirý, salý, ornyqtyrý tutas bir epopeıa desek, artyq aıtqandyq emes. Onyń ár qurylysynda Elbasynyń qoltańbasy saırap jatyr. Kún sanap jańa astananyń ajaryn ashyp, kórkeıte túsken jańa qurylystar bárimizdi qaıran qaldyrady. Búgingi kúni iri ǵylymı, mádenı jáne iskerlik ortalyqqa aınalyp, Qazaqstandy jańa táýelsiz memleket retinde ornyqtyrýda zor ról atqaryp otyr. Al osynyń barlyǵy Deklarasııada jan-jaqty qamtylǵan. О́te oryndy ári zańdy. Qudaıbergen QALIEV, Soltústik Qazaqstan oblysynyń Qurmetti azamaty Soltústik Qazaqstan oblysy

Kemel saıasattyń nátıjeleri

Parlament minberinde qos palatanyń maquldaýy­men qabyldanǵan Táýelsizdik Deklarasııasynyń mańy­zy zor. Bıyl Táýelsizdiktiń 25 jyl­­dyq mereıtoıyn atap ótý­demiz. Tarıhı kezeńge arnal­ǵan bul qujat el birligi­niń kórinisi ispetti. Shırek ǵasyr ishindegi Elbasynyń elimizdi el etýde atqarǵan jumysy men qyzmeti barly­ǵy­myzǵa belgili. Sondyqtan, Deklarasııada eline eleýli Elbasynyń eńbegine joǵary baǵa berilýi oryndy. О́ıtkeni, osy jyldar ishin­de Tuńǵysh Prezıdentimizdiń saıası-ekono­mıkalyq bastamalaryn halyq keńinen qoldap keledi. Biz «Qazaqstan-2050» Strategııasy men «Máńgilik El» ıdeıasynyń tóńiregine toptasa bildik. Barlyq tabys – halyq bolyp jumylýdyń, tolassyz qajyr-qaıratpen jumys isteýdiń jáne Elbasynyń el múddesin kózdegen kemel saıasatynyń nátıjesi ekeni shyndyq. Jalpy, tarıh sahnasyna shyqqan jańa memleketterdiń aldynda dańǵyl jol tur­maıdy. Saıasattyń yqpyl-jyqpylymen júrý­ge, tar jol, taıǵaq keshýden ótýge týra keledi. Bul úderiste elimizdiń Táýel­siz­diktiń alǵashqy jyldarynda-aq óz baǵy­tyn aıqyndap, ıadrolyq oqtum­syq­tar­dan bas tarta otyryp, Semeı ıadrolyq synaq alańyn jabýy halyqaralyq qoǵam­das­tyq úshin úlken betburysqa balanǵan sheshim boldy. Sol jyldardan beri biz­diń Prezıdentimiz Qazaqstan halqy ǵana emes, búkil álem jurtshylyǵynyń qaýip­­siz­digin oılaǵan izgi ári parasatty kósh­bas­shy retinde tanyldy. Elimizdiń ıadrolyq qarýsyzdanýǵa qarsy úndeýi ýaqyt ótken saıyn ózekti­ligimen ózgelerge oı salýda. Osy oraıda Qazaq­stannyń Ortalyq Azııa elderi arasynan alǵash ret BUU Qaýipsizdik Keńesi­niń turaqty emes múshe­si bolyp saılanýy bedeldi álemdik uıymdardyń bizdiń el men Elbasyna degen seniminiń aıǵaǵy dep bilemiz. Parlamentshilerimiz atap ótkendeı, elimiz Táýelsizdik jyldarynda áleýmettik baǵ­dar us­tanǵan naryqtyq ekonomıkany qura bildi. Bul – bizdiń Shyǵys óńiriniń maq­tany­shyna aınalǵan «Qazsınk», Tıtan-magnıı kombınaty, Úlbi metallýrgııalyq zaýyty sııaqty tústi metall óndirý flagmandarynan bastap jeke kásipkerge deıingi aralyqta óriletin naǵyz áleýmettik ekonomıka. Osy aıada el ishinde kóptegen iri jobalar júzege asty. О́skemenniń ózin­de avtoónerkásip, tústi metallýrgııa men agro­keshen salalary jaqsy damyp keled­i. Aldy­myzda «Nurly jol» jańa ekono­mıka­lyq saıasaty men «100 naqty qadam» Ult jospary boıynsha aýqym­dy mindetter tur. Prezıdent bir sózinde aıtqandaı, biz táýelsizdikti mınýt saıyn qorǵaýymyz kerek. Bul – qajyrly da adal eńbek. Munyń bar­lyǵy kezeń-kezeńimen júzege asyrylýy úshin qoǵamdyq kelisim men turaqtylyqtyń orny óte mańyzdy. Iаǵnı, bolashaǵymyz – birlikte. Leo ShIK, Qazaqstan halqy Assambleıasynyń múshesi,  О́skemen qalasynyń Qurmetti azamaty Shyǵys Qazaqstan oblysy