Aqtóbede 25 metrlik stella boı kóterdi

Sońǵy kezderi qalada ár túrli kompozısııalyq stellalar, basqa da estetıkalyq máni bar nysandar boı kóterip, shahardy shyraılandyra túsýde. Aqtóbe - kitap keıipkerlerine eskertkish ornatylǵan elimizdegi birden –bir qala. Abaı dańǵyly boıynda Qazaqstannyń halyq jazýshysy Ábdijámil Nurpeıisovtiń  «Qan men ter» trılogııasynyń keıipkerlerine ornatylǵan eskertkish aqtóbelikterdiń eń jıi bas qosatyn orny bolyp tabylady. Buǵan deıin «Sheraton» qonaq úıiniń janyna «Dombyra» eskertkishi  ornatylǵan-dy. Onyń bıiktigi nebári 6,3 metr bolatyn. Jaqynda boı kótergen  №12 shaǵyn aýdandaǵy aınalma joldyń boıyndaǵy «Qyzǵaldaq» stellasynyń bıiktigi 25 metr bolady. Onyń gúl ózeginiń dıametri  1,4 metr, jalpy fýndamentiniń salmaǵy 215,4 tonna, al, qurastyrmasy 7 tonna quraıdy. Aqtóbeniń basty sımvoly «Qyzǵaldaq» stellasy Teýelsizdiktiń 25 jyldyǵyna arnalyp salynǵan. Bıyl budan basqa qalada áýendi sýburqaq jáne  saǵat syndy nysandar salynyp, kóshelerge kórik berip tur №11 shaǵyn aýdandaǵy  qurylysy júrip jatqan hokkeı modýli de eńseli sport nysany bolǵaly tur. Ol keler jyldyń naýryz aıynda paıdalanýǵa beriledi. Nysannyń ataýyn halyq arasynda konkýrs ótkizý arqyly beriletin bolady. Jalpy alǵanda, memlekettik-jekemenshik seriktestik aıasynda 10 nysannyń qurylysy júrgizilýde. Satybaldy SÁÝIRBAI, «Egemen Qazaqstan» Aqtóbe.