Elordada zańsyz qar tókkenderge aıyppul salyndy

Jyl basynan beri qalanyń tabıǵat qorǵaý polısııasynyń qyzmetkerleri kóshedegi jáne joldaǵy qardy ruqsat etilmegen jerlerge zańsyz tókken 22 avtokólik júrgizýshisin ákimshilik jaýapkershilikke tartty, dep habarlady Astana ákimdiginiń resmı saıty. Astana qalasy IID jergilikti polısııa qyzmetiniń habarlaýynsha, júrgizýshilerge 509 040 teńge kóleminde aıyppul salyndy. «Qysqy kezeńde qala aýmaǵyn jınaý erekshelikteri» abattandyrý erejelerine sáıkes (Astana q. máslıhatynyń sheshimimen bekitilgen, 5 bólim, 60 t.), kóshedegi jáne joldaǵy qardy arnaıy daıyndalǵan alańdarǵa shyǵarý qajet. Qardy (qoqyssyz) myna mekenjaılar boıynsha shyǵarýǵa ruqsat etilgen: «Almaty» aýdany – Jeleznodorojnyı t.a., áskerı bólimsheniń syrtynda. «Saryarqa» aýdany – N. Tilendıev dańǵyly, «Taım» JQS aýdany. «Esil» aýdany – Rojdestvenka tas joly, «Rýbej» beketiniń syrtynda, oń jaqta, sondaı-aq, sý tazartqysh qurylystarynyń aýdanynda 27-shi kóshede balqytý stansııasy bar.