Almatyda bıyl 133 ınfraqurylym nysany jóndeledi

2016 jyly Almaty qalasynda «Jumyspen qamtýdyń 2020 jol kartasy» (budan ári - «JQJK 2020») baǵdarlamasynyń jumyspen qamtýdy ınfraqurylymdy jáne turmystyq-kommýnaldyq sharýashylyqty damytý arqyly qarastyratyn birinshi baǵytyn iske asyrýǵa respýblıkalyq bıýdjetten 7,9 mlrd. teńge bólindi. Osy qarajat esebinen 133 ınfraqurylymdyq nysandarda kúrdeli jóndeý jumystaryn júrgizý josparlanýda, dep habarlady QR Densaýlyq saqtaý jáne áleýmettik damý mınıstrligi. Jóndeletin ǵımarattardyń 33-i - bilim berý, 8 – mádenıet, 11 – densaýlyq saqtaý nysandaryn, 47 – kólik ınfraqurylymyn, 3 – kommýnaldyq – ınjenerlik ınfraqurylymyn jáne 31-i abattandyrý jáne kógaldandyrý jumystaryn qamtıdi. Búgingi kúni 128 joba iske asyrylýda, 1498 adam jumysqa turdy, olardyń 973-i «JQJK 2020» baǵdarlamasyna qatysýshylar. 2015 jyly «JQJK 2020» baǵdarlamasynyń birinshi baǵytyn iske asyrýǵa 13,7 mlrd. teńge bólingenin, jalpy respýblıka boıynsha 588 ınfraqurylymdyq jobalar júzege asyrylyp, 8,6 myń adam jumysqa ornalastyrylǵanyn esterińizge salamyz. 2016 jyly «JQJK 2020» baǵdarlamasynyń birinshi baǵytyn iske asyrýǵa 80,1 mlrd. teńge bólindi. Bul qarajat jobalardyń sany eskerile otyryp, jergilikti atqarýshy organdardyń tapsyrystary negizinde óńirler arasynda bólinedi.