OPEK-ke kirmeıtin elder bólek bas qosýy múmkin

Venesýela prezıdenti Nıkolas Madýro munaı naryǵyn turaqtandyrý baǵytynda 10 jylǵa arnalǵan strategııa daıyndaý úshin OPEK uıymyna kirmeıtin elderdiń memleket jáne úkimet basshylarynyń sammıtin uıymdastyrýdy usynyp otyr, dep habarlaıdy naryk.kz. Madýro sonymen qatar óziniń Reseı prezıdenti Pýtınmen bolǵan áńgimesi týraly da aıtyp berdi. Onyń sózinshe, áńgime barasynda munaı naryǵyn turaqtandyrý men álemdik munaı óndirý kólemin qysartýmen baılanysty qarasha aıyndaǵy kelisimge qatysty máseleler sóz bolǵan. OPEK májilisi 30 qarasha kúni qańtar aıynan bastap, munaı óndirý kólemin 1,2 mıllıon barrelden 32,5 mıllıonǵa deıin qysqartý jónindegi sheshimmen aıaqtalǵan bolatyn. Kelisim talaptary boıynsha, kartelge kirmeıtin elder munaı óndirý kólemin táýligine 600 myń barrelge qysqartýy kerek. Bul kólemniń jartysyn Reseı qamtamasyz etetin boldy. OPEK munaı naryǵyndaǵy jaǵdaıdy turaqtandyrý úshin Venaǵa 10 jeltoqsan kúni uıymǵa múshe emes 14 memlekettiń ókilderin shaqyrdy.