«Qazirgi ýaqytta Astanada 180-ge jýyq qonaqúı jumys isteıdi. EKSPO kezeńinde taǵy 11 qonaqúı ashý josparlanýda. Qonaqúı qory 13 myń oryndy quraıdy. Sondaı-aq, 45 hostel jumys isteıdi. Eki aptadan keıin bizde 400 oryndyq hostelder iske qosylady», dedi «Astana Konvenshn Bıýro» JShS dırektorynyń orynbasary Asqar Adambekov.
Ol hostelderde - Eýropada jáne álemniń damyǵan elderindegideı jaǵdaılar qarastyrylǵan. Onyń basty ereksheligi - ornalasýdyń bıýdjettik nusqasy. Jalǵa alý quny 5 myń teńgeden aspaıdy. Hostelder kórmeni 300-ge jýyq orynmen qamtamasyz etedi dep josparlanýda.
«2016 jyly Qazaqstan hostel qaýymdastyǵyn qurdyq jáne onda turý baǵasy 5 myń teńgeden aspaıtyndaı ýaǵdalastyq», dep eske saldy «Astana Konvenshn Bıýro» basshysynyń orynbasary.
Onyń aıtýynsha, qazirgi turǵylyqty jerdiń bıýdjettik túri Astanada ǵana emes, Almaty, Aqtóbe, Qazaqstannyń basqa da qalalarynda keńinen tanyla túsýde. Kórme qonaqtary arasynda hostelge degen suranys erekshe bolady dep josparlanýda.
