О́ziniń baıandamasynda I.Nakamısý Uıym Mıssııasynyń hımııalyq qarýǵa tyıym salýdy qalyptastyrý boıynsha atqarǵan jumystarynyń negizgi qorytyndylary týraly aıtyp berdi. Usynylǵan esepte ótken jyldyń 15-16 qyrkúıeginde Sırııanyń Ýmm-Hosh aýdanyna shabýyl barysynda jáne ústimizdegi jyldyń 4 sáýirinde Han Sheıhýndegi sońǵy kıkiljiń kezinde hımııalyq qarý qoldanylǵany týraly aıǵaq kóldeneń tartyldy. Osyǵan oraı, BUU-nyń Joǵary ókili bul áreketterdiń halyqaralyq quqyq normalaryn óreskel buzý bolyp tabylatynyn jáne eshqandaı aqtaýǵa jatpaıtyn qadam sanalatynyn atap kórsetti.
Qazaqstan delegasııasy Mıssııa qyzmetiniń qorytyndylaryna silteme jasaı otyryp, hımııalyq qarý qoldaný Sırııadaǵy sheshimin tappaı kele jatqan asa kúrdeli máselelerdiń biri bolyp qalyp otyrǵanyn jarııa etti. Osyndaı aýyr da qaýipti hımııalyq zattar qoldaný úlken qylmys bolyp tabylatynyn jáne muny aıyptaı kele, Qazaqstan atalǵan oqıǵany jan-jaqty jáne shynaıy zerttep, kinálilerdi jaýapkershilikke tartýǵa shaqyrdy. Osyǵan oraı Qazaqstannyń BUU-daǵy Turaqty ókili Qaırat Omarov I.Nakamısý hanym Hımııalyq qarýdy qoldanýdy tekserý jónindegi birlesken basqarýshy toptyń jetekshisi Edmýnd Mýlemen birlesip, Sırııada obektıvti tekserý júrgizý úshin qoldan kelgen múmkindiktiń bárin qoldanady degen senim bildirdi.
Atalǵan problemaly másele boıynsha atqarylǵan jumystar týraly usynylǵan esepti tyńdaı kelip, Qaýipsizdik Keńesi músheleriniń basym bóligi Mıssııa qyzmetin jalǵastyrý kerek degen ustanym bildirdi jáne Sırııada hımııalyq qarý qoldanýǵa qatysty tekserýde tolyq nátıjege qol jetkiziletinine úmit artty.
