Búgin óńir basshysy Danıal Ahmetov О́skemen qalasynyń aktıvine jańa ákimdi tanystyrdy. Bul laýazymǵa buǵan deıin ShQO ákiminiń orynbasary qyzmetin atqarǵan Qýat Tumabaev taǵaıyndaldy, dep habarlaıdy «QazAqparat».
2001 jyly Shákárim atyndaǵy Semeı memlekettik ýnıversıtetin «Halyqaralyq ekonomıkalyq baılanys» mamandyǵy boıynsha, al 2003 jyly Qazaq gýmanıtarlyq zań ýnıversıtetin «Quqyqtaný» mamandyǵy boıynsha támamdady.
Eńbek jolyn 2001 jyly bank qyzmetkeri retinde bastaǵan.
2003 jyldan bastap bas maman, 2005 jyldyń sáýir aıynan QR Ekonomıka jáne bıýdjettik josparlaý mınıstrliginiń memlekettik alys-beris jáne nesıelendirýdi josparlaý Departamentinde bólim bastyǵy bolyp qyzmet atqardy.
2005 jyldyń qyrkúıek aıynan bastap Qazaqstan Respýblıkasy Ekonomıka jáne bıýdjettik josparlaý mınıstrliginiń ınvestısııalyq saıasat jáne josparlaý departamentindegi bıýdjettik ınvestısııalardy josparlaý basqarmasy bastyǵynyń orynbasary bolyp jumys istegen.
2011 jyldan bastap QR Ekonomıkalyq damý jáne saýda mınıstrliginiń Aımaqtyq damý komıteti tóraǵasynyń orynbasary bolyp taǵaıyndaldy.
2012 jyldyń sáýir aıynan bastap Qazaqstan Respýblıkasy Ekonomıkalyq damý jáne saýda mınıstrliginiń Investısııalyq saıasat departamentiniń dırektory bolyp jumys atqarǵan.
2015 jyldyń naýryz aıynan bastap Shyǵys Qazaqstan oblysynyń ekonomıka jáne bıýdjettik josparlaý basqarmasynyń basshysy bolyp qyzmet atqardy.
Jańa qala basshysyn tanystyrǵan Danıal Ahmetov onyń aldaǵy qyzmetine tabys tiledi.
«Senim artqandaryńyzǵa rahmet, qalanyń órkendeýi jolynda aıanbaı eńbek etýge ýáde beremin», - dedi Q.Tumabaev.
О́z kezeginde Qýat Muhıtuly qala turǵyndarynyń aryz-shaǵymdaryn eskerip, barlyq kúrmeýli máseleler óz ýaqytynda sheshiletindigine senim bildirdi.
