"Bul sharanyń mańyzy joǵary. О́tkenge bir sát kóz júgirteıikshi. 19-ǵasyrda Kókshetaý jerinde asyl zattardyń bári jer betinde jatqan eken. Osynyń qunyn bilgen aǵylshyndar kelip terip áketken. Bizdiń sal-serilerimizdiń ústi altynǵa malynýy jerimizdiń baı ekeniniń bir belgisi dep bilýge bolady", dedi ǵalym Serik Negımov.
Sharaǵa jınalǵan qonaqtar úsh qabatqa ornalasqan kórmelermen tanysty. Birinshi qabattaǵy "Uly dala jaýharlary" atty bóliminde Uly dala kóshpeliler órkenıetiniń rýxanı jáne estetıkalyq murasy, ıaǵnı kúmisten jasalǵan qazaqtyń zergerlik áshekeıleri, turmys zattary, at ábzelderi sekildi jádigerler kórermen nazaryna usynyldy.
Ekinshi qabattaǵy bólim "Kúmistiń sulý syńǵyry" dep ataldy.
Úshinshi qabattaǵy "Álem xalyqtarynyń mýzykalyq aspaptary" atty bóliminde jınalǵan qaýymǵa túrli elder men dáýirdiń mýzykalyq aspaptar toptamasy tanystyryldy. Munda Orta Azııa xalyqtarynyń shekti ysqysh aspaby "Gıdjak", eki shekti shertpeli mýzykalyq aspaby "Dýtar", qyrǵyz xalqynyń úsh shekti "Komýz", uıǵyr xalqynyń "Satar" sekildi aspaptary kórermen nazaryna usynyldy.
Aıta keteıik, birer aı buryn dál osy ǵımarattyń tórtinshi qabatynda, ıaǵnı kúmbezdi zalda QR Ulttyq Olımpıada komıtetiniń basshylary men muraǵaty Qazaqstannyń sporttaǵy jetistikterin kórsetetin "Olımpıadalyq qozǵalys" kórmesi ashylǵan bolatyn.
"Bolashaqtyń energııasyn qarsy alamyz!" qor kórmeleriniń toptamasy 2017 jyldyń 31 tamyzyna deıin jalǵasady.
Aıan Ábdýálı,
"Egemen Qazaqstan"
