Búginde Nazarbaev zııatkerlik mektepteriniń tórteýi atalǵan halyqaralyq keńestiń quramyna kiredi. Bedeldi mártebe qazaqstandyq mektepterdiń halyqaralyq joǵary sanatty standartqa sáıkes keletindigin kórsetip otyr. Jalpy, akkredıtasııadan ótý úderisi uzaq ári aýqymdy jumys júrgizýdi talap etedi. Aıtalyq, arnaıy baqylaý komıssııasy akkredıtasııadan ótýge nıet bildirgen mektepte tikeleı baqylaý júrgizedi. Sáýir aıynda Halyqaralyq mektepter keńesiniń Anglııa, Germanııa, Reseı, Ázerbaıjan, Iordanııa, AQSh jáne basqa da memleketterdiń ókilderinen quralǵan toby Semeı men О́skemen qalalarynda jumys istedi. Olar mekteptiń basqarý júıesin, muǵalimderdiń kásibı bilim berý mashyǵyn, mekteptiń kúndelikti tynys-tirshiligin zerdelep, óz baǵalaryn berdi. Semeı jáne О́skemen qalalarynyń mektepteri «О́mirlik qundylyqtar», «Oqytý jáne úıretý», «Basqarý jáne kóshbasshylyq», «Kásibı quram jáne tehnıkalyq maman», «Qoljetimdi bilim», «Operasııalyq júıe», sondaı-aq shet tilderdi bilý syndy sanattardyń barlyǵynan súrinbeı ótip, joǵary talaptarǵa sáıkes keletindikterin dáleldedi. «Nazarbaev zııatkerlik mektepterinde yntaly oqýshylar oqıdy. Bilimge degen talpynystaryna tamsanyp otyrmyz» dedi Halyqaralyq sarapshylar keńesiniń jetekshisi Devıd Djonson.
Zııatkerlik mektepterdiń jańa mártebesi pedagogıkalyq ujym men oqýshylar úshin jańa múmkindikterge jol ashady. Sondyqtan aldaǵy jyldarda Nazarbaev zııatkerlik mektepteriniń barlyǵyn akkredıtasııadan ótkizý josparlanyp otyr. Qazaqstandyq mektepterdiń tańdaýly bilim berý uıymyna múshe bolýy otandyq bilim berý júıesi úshin aıtýly oqıǵa deýge bolady. Sebebi bilim salasyndaǵy sony jańalyqtar men joǵary standarttardy odan ári ilgeriletý úshin qurylǵan bul keńes álemdegi tanymal uıymdardyń biri. Klýbqa álemniń kóptegen elderiniń úzdik mektepteri men bilim berý keshenderi qabyldanǵan. Sonymen qatar uıym álemniń úzdik 50 ýnıversıtetimen yntymaqtastyq ornatyp otyr. Bul ýnıversıtetter akkredıttelgen mektep túlekterin oqytýǵa múddeli.
