Halyqaralyq ádebı bıennalı aıasynda ótken keshke 20-dan asa memleketten qonaqtar kelip, óz elimizdegi aqynnyń oqyrmandarymen teatr zalyn lyq toltyrdy. Eline eńbegi sińgen, ádebıetke úles qosqan aqyndy mereıli jasymen quttyqtaǵan Elbasy Nursultan Nazarbaevtyń sálemin Almaty qalasynyń ákimi Baýyrjan Baıbek jetkizdi. Sonymen qatar, Qazaqstan Respýblıkasynyń Úkimetinen, Parlamenttiń qos palatasynan, oblys ákimderinen, Halyqaralyq «TÚRKSOI» uıymynan, Túrkııa memleketinen, О́zbekstan men Qyrǵyzstannan, Reseıden, Tatarstannan kelgen quttyqtaýlardy aqynnyń qalamdas dostary men uıym ókilderi jetkizdi. Saltanatty jıynda aqyn óleńderi oqylyp, óleńine jazylǵan ánder oryndaldy.
Poezııadaǵy azamattyq úndi óleńsózdiń bir qasıeti retinde aıtyp kelemiz. Osy jaǵynan kelgende Nurlan Orazalınniń poezııasynda azamattyq kózqarastary men ómirlik ustanymdary basymdyqqa ıe. Bul eń aldymen aqynnyń jeke qasıeti bolsa kerek. Zamanmen zamandy, ǵasyr men ǵasyrdy, dáýir men dáýirdi jyrlap, ýaqyt dep atalatyn qasıetti uǵymdy óz poezııasynyń bir kategorııasy ete bilgen aqynnyń móldir óleńderi eki kún boıy Alataý baýraıyn shýaqty sózge toltyrdy.
Sonymen qosa, ádebı bıennale aıasynda Qazaqstan Jazýshylar odaǵynyń Ádebıetshiler úıinde Nurlan Orazalınniń «Sóztumar», «Kókjal dáýir» – «Vremıa volchısa», «Táńirmen tildesý», «Táýbe», «Aspantaýdan aýǵan kúz», «Qundaǵym» kitaptarynyń tusaýkeseri ótken bolatyn.
Baǵashar TURSYNBAIULY,
«Egemen Qazaqstan»
ALMATY
